Read urhobo 2 Samuẹl 8 Bible Online

2 Samuẹl 8 - urhobo bible

2 Samuẹl 8

¹Ọna vwọ wan nu, Devid de phi ihwo ri Fiiistia kparobọ ọ ke ghwọrọ ogangan rẹ ayen; Devid da reyọ Metagamah mie ihwo ri Filistia.

²Ọ de phi Moab kua, ọ da vwẹ ufi vwanvwan ayen, ọ da vwẹ ayen sherhe otọ, o de hwe urhiẹ ivẹ o de jẹn ọvo vwo. Ihwo ri Moab de rhi hirhe phihọ idibo ri Devid, kẹ ayen ghwẹ ẹga rhe.

³Devid de phi Hadadezar, rẹ ọmọ ri Rehob, ovie ri Zobah kparobọ, rọ vwọ yanran ra vwẹ ogangan rọye mu vwẹ urhie ri Yufretis.

⁴Devid de mie isodje re vwẹ iyesi phi ofovwi uriori kugbe ujori ighwrẹ re vwẹ owọ yan. Devid da kua iyesi yẹ ekpẹrẹ rẹ ofovwi na ejobi, o de jẹ uche re sa guan ekpẹrẹ rẹ ofovwi ujori ọvo.

⁵Rẹ ihwo ri Siria ri Damaskọs rhe vwọ cha Hadadezar, ovie ri Zobah uko, Devid de hwe ihwo ri Siria uriori uje gbe ivẹ.

⁶Etiyin Devid de phi utuofovwi phihọ Aram ri Damaskọs; ihwo ri Siria de hirhe phihọ idibo ri Devid, ayen da ghwẹ ẹga rhe. Ọrovwohwo da vwẹ ogangan re phio kparobọ vwọ kẹ Devid vwẹ asan rọ rare ejobi.

⁷Devid da reyọ ekpọfia rẹ oro rẹ idibo ri Hadadezar djẹ jovwo, ọ da vwẹ ayen rhe Jerusalẹm.

⁸Nẹ Betah Devid da ghwẹ ekuakua buebu reyọ vwẹ irere ri Hadadezar re se Betah vẹ Berotai.

⁹Ọke ri Toi rẹ ovie ri Hamat vwo nyo nẹ Devid phi utuofovwi ri Hadadezar ejobi kua,

¹⁰Toi de ji ọmọ rọye re se Joram bru uvie Devid re yere, ro rhe jiro kidie o phi Hadadezar kua, fiki rẹ Hadadezar họnre Toi kọke kọke. Etiyin Joram da vwẹ erọvwọ ra vwẹ idọnọ, oro vẹ ẹrọvwọ vwo ru rhe Devid;

¹¹Ovie Devid de ru enana fon kẹ Ọrovwohwo kugbe idọnọ te oro ri nẹ irere ro phi kparobọ ejobi rhe;

¹²Nẹ Edọm, Moab, Ammọn, Fiiistia, Amalẹk kugbe iri nẹ obọ ri Hadadezar rẹ ọmọ ri Rehob, ovie ri Zobah rhe.

¹³Devid da rhe re odẹ kẹ oma rọye. Ọke ro vwo rhivwi o de hwe ihwo rẹ Edọm uriori ihwe gbe ẹrenre vwẹ iyara rẹ ughweraka,

¹⁴o de phi utuofovwi phihọ Edọm; kasan kasan vwẹ Edọm ejobi o de phi utuofovwi phihọ re. Ihwo rẹ Edọm ejobi de rhi hirhe phihọ idibo ri Devid. Ọrovwohwo da vwẹ ephio kparobọ vwọ kẹ Devid vwi kasan kasan rọ rare ejobi.

¹⁵Devid da re uvie vwẹ enu rẹ Izrẹl ejobi, Devid de guẹdjọ rẹ ọsoso vẹ abavo rẹ ihwo rọye.

¹⁶Joab ọmọ ri Zeruiah kọye onotu rẹ ofovwi; Jehoshaphat ọmọ rẹ Ahilud kẹ osiẹbe;

¹⁷Zadọk ọmọ rẹ Ahitọb kugbe Ahimẹlẹk ọmọ rẹ Ahitar, keye irherẹn Seraiah kẹ osiẹbe;

¹⁸Benaiah ọmọ ri Jehoiada kọye sun Cheret kugbe Pẹlẹt, emọ ri Devid ke rha irherẹn.