Read urhobo Ivie rẹ Ivẹ 14 Bible Online

Ivie rẹ Ivẹ 14 - urhobo bible

Ivie rẹ Ivẹ 14

¹Vwẹ ukpe rivẹ ri Joash ọmọ ri Joahaz, ovie rẹ Izrẹl, Amazaya ọmọ ri Joash, ovie ri Juda, de mu phihọ ẹriọ.

²Ikpe uje gbẹ iyori ọye ọ kpako te ọke ro vwo mu uvie phihọ ẹriọ, ọ da re ikpe uje gbẹ irhiri vwi Jerusalẹm. Odẹ rẹ oni rọye Jehoadin ri Jerusalẹm.

³O de ru obo ri yovwiri vwẹ obaro rẹ Ọrovwohwo, ọ ghwa dia kerẹ Devid rẹ ọsẹ rọye-e. O ru emu buebu ejobi kirobo ri Joash rẹ ọsẹ rọye ruru.

⁴Ẹkẹvuọvo e ghwie egbada rẹ ayen nu-u; ihwo na je gọ iye torhẹ insẹns vwẹ enu rẹ agbada.

⁵Ọke rẹ ogangan rẹ ovie rhe vwọ gan vwẹ obọ rọye nu o de hwe idibo ri hwe ọsẹ rọye ovie na.

⁶Ẹkẹvuọvo o hwe emọ rẹ izighẹ na-a, fikiridie e siro phihọ otọ vwẹ ọbe rẹ urhi ri Mosis, vwẹ asan rẹ Ọrovwohwo ji urhi phihọ, E hwe esemọ vwi fiki rẹ emọ-ọ, e hwe emọ vwi fiki rẹ esemọ-ọ; ẹkẹvuọvo ohwo kohwo ro ru umwemwu ọye ghwu phihọ umwemwu rọye.

⁷O hwe ihwo uriori ihwe rẹ Idọm vwẹ Iyara rẹ Ughweraka ọ da reyọ Seia vwẹ ogiribo, o de se asan na Jokitel, odẹ nana e ji se asan na rhi te ẹdẹ ri nonẹ.

⁸Etiyin Amazaya de ji ikọn bru Jehoash ọmọ ri Jehoahaz, ọmọ ri Jehu, ovie rẹ Izrẹl, tanẹ, Mọ, rere ohwohwo ni ohwohwo opharo.

⁹Jehoash ovie rẹ Izrẹl da vuẹ uwevwi rhe Amazaya ovie ri Juda, odjigbẹ ri Lebanọn vuẹ rhẹ igẹdu ri Lebanọn na, Vwẹ ọmọtẹ wẹn kẹ ọmọ mẹ vwọ rọvwọn; eranvwe rọ djoma vwi Lebanọn wanvrẹn o de chiyi ọdjigbẹ na muotọ.

¹⁰Wo ghine hwe Idọm, ke wọ kpara oma kpenu. Jẹn urinrin wẹn da wẹ ẹro rere wọ tidia urhuẹn wẹn; die sorọ wo vwo si ukpokpogho cha rere wo she, rere Juda vẹ owẹ vwo she?

¹¹Ẹkẹvuọvo Amazaya rha davwe erhọ-ọn. Jehoash ovie rẹ Izrẹl de bro ra, ọ vẹ Amazaya ovie ri Juda de hirhe opharo ku ohwohwo phi ofovwi vwi Bẹtshẹmẹsh, ri Juda.

¹²Izrẹl de phi Juda kparobọ, eshare na dohwo durhuẹn rọye da djẹ ra.

¹³Jehoash ovie rẹ Izrẹl de mu Amazaya ovie ri Juda, ọmọ ri Jehoash, ọmọ rẹ Ahazaya, vwi Bẹtshẹmẹsh, ọ da rhe Jerusalẹm, o de kporo igbẹhẹ ri Jerusalẹm kubit ujori ẹne, nẹ Anurhoro rẹ Ifrem re te Anurhoro rẹ Akakọ.

¹⁴O de gborho iro vẹ idọnọ kugbe ekuakua ejobi rọ mrẹre vwẹ uwevwi rẹ Ọrovwohwo na, vẹ uwevwi rẹ efe vwẹ uwevwi rẹ ovie na, phihọ ijọpha, o de rhivwi kpo Sameria.

¹⁵Asakiephana iruo ri chekọ ri Jehoash, vẹ obo ro ruru, kugbe ẹgba rọye vẹ obo rọ họnre Amazaya ovie ri Juda, e rhe si ayen phihọ Ọbe rẹ Ikun rẹ Ivie rẹ Izrẹl?

¹⁶Jehoash da vwerhẹ kugbe esẹ rọye, e de sho phihọ Sameria kugbe ivie rẹ Izrẹl;. Jeroboam rẹ ọmọ rọye da re vwẹ ẹdia rọye.

¹⁷Amazaya ọmọ ri Joash, ovie ri Juda, da; dia akpọ ikpe ihwe gbẹ iyori ri Jehoash ọmọ ri Jehoahaz, ovie rẹ Izrẹl vwo ghwu nu.

¹⁸Asakiephana iruo ri chekọ rẹ Amazaya, e rhe si ayen phihọ Ọbe rẹ Ikun rẹ Ivie ri Juda?

¹⁹Ayen da ro aguare riariẹ phihọ vwi Jerusalẹm, ọ da djẹ kpo Lashish, ayen de ji ihwo kpo Lashish ra guọnọ, ayen de hwe vwẹ oboyi.

²⁰Ayen de muo phihọ iyesi vwọ rhe; e de sho kugbe esẹ rọye vwi Jerusalẹm orere ri Devid.

²¹Ihwo ri Juda ejobi da reyọ Azaraya, rọ hẹ ẹgbukpe ihwe gbẹ esan vwo mu ovie vwẹ ẹdia rẹ Amazaya ọsẹ rọye.

²²Ọ da bọn Elat ọ da rhoma vwọ kẹ Juda, o vwo ru ovie na da vwerhẹ kugbe esẹ rọye.

²³Vwẹ ukpe ihwe gbẹ iyori rẹ Amazaya ọmọ ri Joash, ovie ri Juda, Jeroboam ọmọ ri Joash, ovie rẹ Izrẹl de mu phihọ ẹriọ vwi Sameria, ọ da re ikpe ujuvẹ.

²⁴Ọ de ru obo ri miovwiri vwẹ obaro rẹ Ọrovwohwo; ọ yan jẹ umwemwu ri Jeroboam rẹ ọmọ ri Nebat vwo-o, rọ nẹrhẹ Izrẹl ru umwemwu.

²⁵O de siobọ nẹ ughwru rẹ Izrẹl nẹ ughere ri Hamat re te Abadi rẹ Araba kere ota rẹ Ọrovwohwo na, Ọghẹnẹ rẹ Izrẹl rọ tare vwẹ unu rẹ odibo rọye Jona ọmọ rẹ Amitai, ọmraro ro nẹ Gatihifa rhe.

²⁶Kidie Ọrovwohwo da mrẹ nẹ ukpokpogho rẹ Izrẹl cha yare kokoro, fikiridie o rhe vwo ohwo ọvuọvo ro chekọ-ọ, oviẹn eyẹ ọmuvwiẹ, o rhe vwo ohwo ọvuọvo rọ cha Izrẹl uko-o.

²⁷Ẹkẹvuọvo ọ dianẹ Ọrovwohwo tare nẹ ọye phoro odẹ rẹ Izrẹl nẹ otọ rẹ ọnre na-a, kọye o de sivwi ayen vwẹ obọ ri Jeroboam rẹ ọmọ ri Joash.

²⁸Asakiephana iruo ri chekọ ri Jeroboam vẹ obo ro ruru ejobi, vẹ ẹgba rọye, vẹ obo rẹ ọ họnre te, vẹ obo rọ mie Juda Damasikọs vẹ Hamat vwọ kẹ Izrẹl, e rhe si ayen phihọ Ọbe rẹ Ikun rẹ Ivie rẹ Izrẹl?

²⁹Jeroboam da vwerhẹ kugbe esẹ rọye, ivie rẹ Izrẹl, Zakaraya rẹ ọmọ rọye da re uvie vwẹ edia rọye.