Read urhobo Ivie rẹ Ivẹ 6 Bible Online

Ivie rẹ Ivẹ 6 - urhobo bible

Ivie rẹ Ivẹ 6

¹Asakiephana emọ rẹ emraro na da ta kẹ Ilaesha, Nighe, asan rẹ avwanre dia wọ da vwẹ ẹro te avwanre na havwe nọ kẹ avwanre.

²Rhọvwe rere avwanre kpo Urhie ri Jọdan rere ọ vuẹ urhe rọye re she rhe rere avwanre rhe bọn asan rẹ avwanre dia. Ọ da ta, Ovwan ra.

³Kọye ọvo rẹ ayen da ta, Biko nene idibo wẹn ra. Ọ da ta Me je ra.

⁴Kọye o de nene ayen ra. Ayen vwo te Jọdan ayen de she irhe phihọ otọ.

⁵Ẹkẹvuọvo rẹ ọvo vwo she urhe na, ushurhe rọye de yoro she phihọ ame; ọ da viẹ phia, Eghwo, ọrovwovwe! Ayaerọ.

⁶Etiyin ohwo rẹ Ọghẹnẹ na da ta, Tivọ o she phihọ? E vwo djẹ asan na kẹ nu, ọ da nyavwe umurhe o de do phihọ asan na, ushurhe na de phorhi rhe.

⁷Ọ da ta, Kparọ kpenu. Ọtiọye ọ da riẹn obọ rọye phia ọ da tọrọ.

⁸Ọke ọvo rẹ ovie ri Siria vẹ idibo rẹ Izrẹl vwo phi ofovwi, ovie ri Siria vẹ idibo rọye da gba aguare, tanẹ, Asan ọtiọna vẹ asan ọtiọye e de che muerhọn.

⁹Ẹkẹvuọvo ohwo rẹ Ọghẹnẹ na da vwẹ ovuẹ rhe ovie rẹ Izrẹl, Kẹnoma, wo wan etinẹ vrẹ-ẹn, fikiridie ihwo ri Siria kpo etiyin re muerhọn.

¹⁰Ovie rẹ Izrẹl de ji ihwo kpo asan rẹ ohwo rẹ Ọghẹnẹ na ta kẹ na. Enẹ kọye ọ mraro kẹ rọ vwọ vabọ rẹ ivwighrẹ rọye vrẹn obọvo eyẹ abivẹ.

¹¹Udu de kpokpo ovie ri Siria gangan vwi fiki rẹ emu nana, o de se idibo rọye, ọ da ta kẹ ayen, Ovwan gbe sa vuẹ vwẹ ọvo vwẹ uherevie rẹ avwanre na rẹ ọ vẹ ovie rẹ Izrẹl gba hẹ obọ?

¹²Ọvo vwẹ idibo rọye na da ta, Ohwo ọfa-a, ọrovwovwe, E Ovie, ẹkẹvuọvo Ilaesha rẹ ọmraro rẹ Izrẹl ọye vuẹ ovie rẹ Izrẹl eta kpahe iroro re wọ jẹ vwẹ evun rẹ uvun wẹn.

¹³Ọ da ta, Yanran ra mrẹ asan rọ epha, rere mi ji ihwo re muo. A da kpahe kẹ, Nighe, ọ hẹ Dotan.

¹⁴Ọtiọye o de ji iyesi vẹ ekpẹrẹ vẹ ituofovwi buebu ra; ason ayen vwọ rhe, ayen da yariẹ orho na phihọ.

¹⁵Ọke rẹ odibo rẹ ohwo rẹ Ọghẹnẹ na vwọ rhọvwọ vwẹ irhiọke ride ro otafe, nighe ituofovwi rẹ iyesi vẹ ekpẹrẹ yariẹ orho na phihọ. Odibo na de kperi nẹ, Eghwo ọrovwovwe! Mavọ avwanre che ru?

¹⁶Ọ da kpahe, Wọ djẹ oshọ-ọ, kidie otu re vẹ avwanre gba herọ bunọ otu re vẹ ayen gba herọ.

¹⁷Kọye Ilaesha da nẹ ẹrhovwo ọ da ta, Ọrovwohwo, me rẹ wẹ, rhie ẹro rọye rere ọ mrẹ. Kọye Ọrovwohwo de rhie ẹro rẹ emeghele na ọ da mrẹ; nighe, ugbenu na ejobi vọnre vẹ iyesi vẹ ekpẹrẹ rẹ ituofovwi rẹ erhanre ri mudia yariẹ Ilaesha phihọ.

¹⁸Ọke rẹ ihwo ri Siria vwo tue rhurho, Ilaesha da nẹ ẹrhovwo kẹ Ọrovwohwo, ọ da ta, Ghwiẹ ihwo nana, me rẹ wẹ, vẹ ẹro erhuo. Ọ da ghinẹ ghwiẹ ayen vẹ ẹro erhuo kirobo rẹ Ilaesha nẹ ẹrhovwo wan.

¹⁹Ilaesha da ta kẹ ayen, Ọnana dia idjerhe na-a, ọnana dia orere na-a, Ovwan nene uvwe, ki mi sun ovwan bru ohwo rẹ ovwan guọnọ na. O de sun ayen kpo Sameria.

²⁰Rẹ ayen ghwa vwọ ro Sameria nu, Ilaesha da ta, E Ọrovwohwo rhie ẹro rẹ ihwo nana rere ayen mrẹ orẹ. Ọrovwohwo de rhie ẹro rayen, ayen da mrẹ orẹ, Nighe, ayen hẹ uherevie ri Sameria.

²¹Ọke rẹ ovie rẹ Izrẹl vwọ mrẹ ayen re ọ da ta kẹ Ilaesha, Ọsẹ me, mi hwe ayen? Mi hwe ayen?

²²Ọ da kpahe, Wo che hwe aye-en. Wọ rhoma vwẹ oda vẹ umurhabọ guọghọ ihwo ri wo muru ighuvwu? Vwẹ ikara vẹ ame kẹ ayen rere ayen re re ayen da, wo jẹ ayen bru ọrovwo ayen ra.

²³Ọtiọye o de chere emu buebu kẹ ayen, ọke rẹ ayen vwo rẹ da nu, o de siobọ nẹ ayen yanran, ayen da yanran bru ọrovwo ayen. Ihwo ri Siria rha kpare ofovwi rhe otọ rẹ Izrẹl ọfa-a.

²⁴Ọke ọfa vwo te, Bẹnhadad, ovie ri Siria de se ituofovwi rọye koko, ayen da yanran kpo Sameria, ayen da hwa riariẹ.

²⁵Owẹvwe de rhi fi gangan vwi Sameria, vwọ ọke rẹ ayen vwọ hwa riariẹ phihọ na, uyovwi rẹ ekẹtẹkẹtẹ da rhe ghare te shekẹl rẹ idọnọ efuanfon ujọne, ọvo ẹkẹn ẹne rẹ isọn rẹ ilekuku da rhe ghare te shekẹl rẹ idọnọ efuanfon iyori.

²⁶Ọke rẹ ovie rẹ Izrẹl vwo wan igbẹhẹ na vrẹn, ọvo da viẹ kperi se nẹ, Ọrovwovwe, ovie cha vwẹ uko!

²⁷Ọ da kpahe kẹ nẹ, Ọrovwohwo gbe cha wẹ uko-o, kẹ ọkevọ me vwọ cha ukọ? Nẹ asan rẹ a da lọ emamọ eyẹ nẹ asa re de miẹ udi?

²⁸Ovie na da nọ nẹ, Die yi kpokpo uwe? Ọ da kpahe nẹ, Aye nana ta kẹ vwẹ nẹ, Vwẹ ọmọshare wẹn rhe rere a riọ nonẹ, odẹ rọ cha a rha re ọmẹ.

²⁹Kọye avwanre de chere ọmọshare mẹ, avwanre da riọ. Ẹdẹ rivẹ me da ta kẹ nẹ, Gba vwẹ ọmọshare wẹn rhe rere a riọ; ẹkẹvuọvo o de si ọmọshare rọye nu.

³⁰Ọke rẹ ovie na vwo nyo eta rẹ aye na ọ da bẹrẹ emwa rọye dje oma asakiephana jẹ ọ yan wan enu rẹ igbẹhẹ na vrẹn ihwo ki no, nughe, ọ vwẹ erharhemwa phopho oma rọye —

³¹ọ da ta, E jẹn Ọghẹnẹ ru vwe ọtiọye, o ji ru vwe vrẹn enẹ, ọ da dianẹ uyovwi rẹ Ilaesha ọmọ ri Shafat je dia oma rọye nonẹ na.

³²Ilaesha tidia vwẹ evun rẹ uwevwi rọye, ekpako na vẹ ayen gbe tidia. Asakiephana ovie na de ji oshare ọvo nẹ aro rọye yanran ẹkẹvuọvo tavwe rẹ ikọn na ki rhi te asan rẹ ọ ephan, Ilaesha da ta kẹ ekpako na nẹ, Ovwan mrẹ obọ rẹ ozighẹ nana ji ikọn rhe nẹ ọ reyọ uyovwi mẹ rhe? Nighe, ọke rẹ ikọn na da rhe, we bi ẹchẹ na gbe, rere ovwan tua ẹchẹ na vwra gangan. Ọ dia ichiyi rẹ ọrovworo nene cha vwẹ obuko na?

³³Ọke rọ vẹ ayen ghwa vwọ ta ota na, ovie na da yan bro rhe ọ da ta, Obọ rẹ Ọrovwohwo ukpokpogho nana nu rhe! Kidie sorọ me vwọ rhoma hẹrhẹ Ọrovwohwo na?.