Read urhobo 1 Ikun rẹ Ivie 2 Bible Online

1 Ikun rẹ Ivie 2 - urhobo bible

1 Ikun rẹ Ivie 2

¹Enana emọ rẹ Izrẹl: Reubẹn, Simiọn, Livae, Juda, Issakar, Zebulọn,

²Dan, Josẹf, Benjamin, Naftali, Gad kugbe Asher.

³Emọ ri Juda: Er, Onan, kugbe Shelah; enana erha na Bat-shua rẹ ohwo ri Kenan vwiẹ kẹ. Asakiephana Er, ọmọkpako ri Juda da dia ohwo umwemwu vwẹ obaro rẹ Ọrovwohwo, Ọrovwohwo de hwe.

⁴Aye rẹ ọmọ rọye Tamar de ji vwiẹ Pẹrẹz, kugbe Zerah kẹ. Emọ ri Juda ejobi da dia iyori.

⁵Emọ ri Pẹrẹz: Hẹzrọn kugbe Hamul.

⁶Emọ ri Zerah: Zimri, Etan, Heman, Kalkol, kugbe Dara, ayen ejobi iyori.

⁷Emọ ri Karmi: Achar, ọ ro kpokpo Izrẹl na, ro ru emuẹgha;

⁸kugbe ọmọ rẹ Etan re se Azaraya.

⁹Emọ ri Hẹzrọn re vwiẹ kẹ da dia: Jerahmeel, Ram, Chelubai

¹⁰Ram ọsẹ rẹ Amminadab, Amminadab da dia ọsẹ ri Nahshọn, ovie vwẹ emeshare ri Juda.

¹¹Nahshọn ọye ọsẹ ri Salma, Salma ri Boaz.

¹²Boaz rẹ Obẹd, Obẹd ri Jesse.

¹³Jesse rẹ ọsẹ rẹ Eliab rọ dia ọmọkpako rọye, Abinadab da dia ọrivẹ, Shimea kẹ ọrẹrha

¹⁴Netanẹl kẹ ọmọ rẹne, Raddai kọ ọriyori,

¹⁵Ọzem, ọresa, Devid kẹ ọrighwrẹ,

¹⁶Imoni rayen rẹ emetẹ eye Zẹruya kugbe Abigẹl. Emọ ri Zẹruya: Abishai, Joab, kugbe Asahẹl, erha.

¹⁷Abigẹl vwiẹ Amasa, ọsẹ rẹ Amasa ọye Jetar rẹ ohwo rẹ Ishmaẹl.

¹⁸Kalẹb ọmọ ri Hẹzrọn vẹ aye rọye re se Azubah de vwo emọ kugbe Jeriot; enana emọ rọye rẹ eshare: Jesha, Shọbah, kugbe Ardọn.

¹⁹Ọke rẹ Azubah vwo ghwu nu, Kalẹb da rọvwọ Efrat ro vwiẹ Hur kẹ.

²⁰Hur ọye ọsẹ rẹ Uri, Uri ọsẹ ri Bezalẹl.

²¹Likuko rọye Hẹzrọn de bru ọmọtẹ ri Makir rẹ ọnse ri Gilead ra, rọ rọvwọrẹ rọ vwọ ghwo te ukpe ujorha nu; aye na de vwiẹ Segub kẹ;

²²Segub ọye ọsẹ ri Jair, ro vwo irere uje gbẹ erha vwẹ otọ ri Gilead.

²³Ẹkẹvuọvo Gẹshur vẹ Aram da reyọ Havvotjair, Kenat vẹ ẹko rọye mie ayen, orho ujorha. Enana ejobi na uvwiẹ ri Makir rhe, rọ dia ọsẹ ri Gilead.

²⁴Hẹzrọn vwo ghwu nu, Kalẹb de bru Efratah rẹ aye ri Hẹzrọn ra, o de vwiẹ Ashhur, ọsẹ ri Tekoa.

²⁵Emọ ri Jerahmeel, rẹ ọmọkpako ri Hẹzrọn: Ram, ọmọkpako rọye, Bunah, Orẹn, Ozẹm kugbe Ahijah.

²⁶Jerahmeel ji vwo aye ọfa, re se odẹ rọye Atarah; ọye oni rẹ Onam.

²⁷Emọ re vwiẹ kẹ Ram, rẹ ọmọkpako ri Jerahmeel: Maaz, Jamin, vẹ Eker.

²⁸Emọ re vwiẹ kẹ Onam: Shammai vi Jada: Emọ re vwiẹ kẹ Shammai: Nadab kugbe Abishur.

²⁹Odẹ rẹ aye rẹ Abishur ọye Abihail ro vwiẹ Ahban vi Molid kẹ.

³⁰Emọ ri Nadab: Selẹd vẹ Appahn; Selẹd ghwuru jo vwo ọmọ-ọ.

³¹Emọ rẹ Appaim ọye Ishi. Emọ rẹ Ishi: Ọye Sheshan. Emọ ri Sheshan: Ọye Ahiai.

³²Emọ ri Jada, oniọvo ri Shammai: ki Jetar vi Jonatan; Jetar ghwuru o vwo ọmọ-ọ.

³³Emọ ri Jonatan: Pẹlẹt vi Zaza. Enana orua ri Jerahmeel.

³⁴Asakiephana Sheshan vwiẹ emeshare-e jokpa rẹ emetẹ ọvo: ẹkẹvuọvo Sheshan vwo ọviẹn rẹ Ijipt ọvo, re se odẹ rọye Jarha.

³⁵Ọye Sheshan da vwẹ ọmọtẹ rọye na vwọ kẹ ọviẹn rọye re se Jarha; o de vwiẹ ọmọshare re se Attai.

³⁶Attai rẹ ọsẹ rẹ Natan, Natan rha ọsẹ ri Zabad.

³⁷Zabad kọye ọsẹ rẹ Eflal, Eflal rha ọsẹ rẹ Obẹd

³⁸Obẹd kọye ọsẹ ri Jehu, Jehu rha ọsẹ rẹ Azaraya.

³⁹Azaraya kọye ọsẹ ri Hẹlẹz, Hẹlẹz rẹ Eleasah.

⁴⁰Eleasah ọyẹ ọsẹ ri Sismai, Sismai ri Shallum,

⁴¹Shallum rẹ ọsẹ ri Jakamaya, Jakamaya rẹ Elishama.

⁴²Emọ re vwiẹ kẹ Kalẹb rẹ oniọvo rẹ Jerahmeel: Mareshah, ọmọkpako rọye, rẹ ọsẹ Zif. Emọ ri Mareshah: Hẹbrọn.

⁴³Emọ ri Hẹbrọn: Korah, Tapuah, Rekẹm kugbe Shema.

⁴⁴Shema kẹ ọsẹ rẹ Raham, vi Jorke-am; Rekẹm ke rha ọsẹ rẹ Shammai.

⁴⁵Emọ ri Shemmai: Maon; Maon kọye ọsẹ ri Betzur.

⁴⁶Efah rhe, ọnse ri Kalẹb de vwiẹ Haran, Moza kugbe Gazez; Haran kọye ọsẹ ri Gazez.

⁴⁷Emọ ri Jahdai: Regẹm, Jotam, Gẹshan, Pẹlẹt, Efah, kugbe Shaaf.

⁴⁸Maaka, rẹ ọnse ri Kalẹb, de vwiẹ Sheber kugbe Tirhanah.

⁴⁹Ọye ji vwiẹ Shaaf rọ dia ọsẹ ri Madmanah, Sheva rẹ ọse ri Makbenah kugbe ọsẹ ri Gibea: Ọmọtẹ ri Kalẹb ke rha Aksah.

⁵⁰Enana uvwie ri Kalẹb. Emọ ri Hur rẹ ọmọkpako rẹ Efrata: Shobal ọsẹ ri Kiriatjearim,

⁵¹Salma, ọsẹ ri Bẹtlẹhẹm, kugbe Harẹf ọsẹ ri Bẹtgader.

⁵²Shobal ọsẹ ri Kiriatjearim ji vwo emọ efa: Haroeh, ubro ri Menuhot:

⁵³kugbe orua ri Kiriatjearim: ihwo rẹ Itri, Put, Shumat, kugbe Mishra; evun rẹ enana ọye Zorat, kugbe Eshtaol nurhe.

⁵⁴Emọ ri Salma: Bẹtlẹhẹm, ihwo rẹ Netofat, Atrotbetjoab, kugbe ubro rẹ ihwo ri Manahat, ihwo ri Zor.

⁵⁵Orua rẹ isiẹbe re dia Jabẹz: ihwo ri Tirat, Shimeat, kugbe Sukat. Enana ihwo ri Kẹn ri nẹ Hammat rhe, ọsẹ rẹ uwevwi ri Rekab.