Read urhobo 1 Ikun rẹ Ivie 24 Bible Online

1 Ikun rẹ Ivie 24 - urhobo bible

1 Ikun rẹ Ivie 24

¹Enẹ ẹgharọ rẹ emọ rẹ Erọn epha. Emọ rẹ Erọn: Nadab, Abihu, Eleaza kugbe Itama.

²Ẹkẹvuọvo Nadab vẹ Abihu kare ọsẹ rayen ghwu, ayen vwo emọ-ọ, kọye Eleaza vẹ Itama da rhe dia irherẹn.

³Vwẹ ọchuko ri Zadọk rẹ emọ rẹ Eleaza, kugbe Ahimẹlẹk rẹ emọ rẹ Itama, Devid da ghare ayen phihọ iruo rẹ ẹga rayen.

⁴Ra vwọ mrẹ ikpihwo vwẹ usun rẹ emọ rẹ Eleaza, vwọ nọ emọ rẹ Itama, ayen da ghare ayen ẹko ihwe gbẹ esan vwẹ ilori rẹ anurhoro rẹ uwevwi rẹ esẹ rẹ emọ rẹ Eleaza, kugbe emọ ẹrenre rẹ Itama.

⁵E mu ama vwọ gharẹ ayen, ọtiọye e ru ayen ejobi, fikiridie ihwo re vwẹ ẹro te ẹshẹ na vẹ iruiruo rẹ Ọghẹnẹ vwẹ ohri rẹ emọ rẹ Eleaza, vẹ Itama.

⁶Osiẹbe Shenaayah rẹ ọmọ ri Netanẹl, rẹ ohwo ri Livae de si ayen vwẹ irharo rẹ ovie vẹ isun kugbe Zadọk rẹ orherẹn na, vẹ Ahimẹlẹk rẹ ọmọ rẹ Abiata, vẹ ilori rẹ uwevwi rẹ esẹ na vẹ irherẹn vẹ ihwo ri Livae; a da jẹ uwevwi rẹ ọsẹ ọvo vwọ kẹ Eleaza kugbe ọvo vwọ kẹ Itama.

⁷Ama rẹ ẹsosuọ de mu Jehoyarib ọrivẹ ki Jedayah,

⁸Ọrerha mu Harim, ọrẹne kẹ Seorim,

⁹Ọriyori mu Maikijah, ọresan mu Mijamin.

¹⁰Ọrighwrẹ mu Hakọz, ọrẹrenre de mu Abijah.

¹¹Ọrirhiri mu Jeshua, ọrihwe de rhe mu Shekaniah.

¹²Ọruhwọvo mu Eliashib, ọrihwivẹ de mu Jakim.

¹³Ọrihwerha mu Hopa, ọrihwẹne Jeshebia.

¹⁴Ọrihwiori mu Bilgah ọrihwe gbẹ esan de rhe mu Ima.

¹⁵Ọrihwe gbẹ ighwrẹ mu Heza, ọrihwe gbẹ ẹrenre de mu Hapizẹz,

¹⁶Ọrihwe gbẹ irhiri mu Petahia, ọruje mu Jehezkẹl,

¹⁷Ọruje gbẹ ọvo mu Jakin, Ọruje gbẹ ivẹ mu Gamul,

¹⁸ọruje gbẹ erha mu Delayah, ọruje gbẹ ẹne de rhe mu Maziah.

¹⁹Enana a ghwẹ phihọ iruo ra vwọ kẹ ayen ru vwẹ evun rẹ uwevwi rẹ Ọrovwohwo kirobo rẹ ọsẹ rayen Erọn ta kẹ ayen, kirobo rẹ Ọrovwohwo rẹ Ọghẹnẹ rẹ Izrẹl ta kẹ.

²⁰Emọ rẹ Livae efa ri chekọ; vwẹ usun rẹ emọ rẹ Amram, Shubael; emọ ri Shubael, Jedeiah.

²¹Emọ ri Rehabia, Isshiah ọye olori.

²²Ọ rẹ Izha, Shelomọt; ọrẹ emọ ri Shelomọt, Jahat.

²³Emọ ri Hibrọn, Jeriah ọye olori, Amariah ọrivẹ, Jahaziel ọrerha, Jekameam ọrẹne,

²⁴Emọ rẹ Uziẹl, Mika; emọ ri Mika, Shami.

²⁵Omoni ri Mika rẹ ọshare, Isshiah; rẹ emọ rẹ Isshiah, Zekariah.

²⁶Emọ ri Merari: Mahli vẹ Mushi. Emọ ri Jaziah: Beno.

²⁷Emọ ri Merari: Jaziah, Beno, Shoham, Zakor, vẹ Ibri.

²⁸Ri Mahli: Eleaza, o vwo ọmọ-ọ.

²⁹Emọ ri Kish: Jeramil.

³⁰Emọ ri Mushi: Mahli, Eda, vi Jerimọt. Enana emọ rẹ Livae kirobo rẹ uwevwi rẹ esẹ rayen epha.

³¹Enana je rhe dia ilori rẹ uwevwi rẹ esẹ rayen ọvuọvo vẹ ọ rẹ omoni rọye rẹ otete, ayen de mu ama kirobo rẹ imoni rayen, emọ rẹ Erọn epha, vwẹ irharo ri Ovie Devid kugbe Zadọk, Ahimẹlẹk vẹ ilori rẹ uwevwi rẹ esẹ na vwẹ usun rẹ irherẹn na vẹ ihwo ri Livae.