Read urhobo 1 Ikun rẹ Ivie 26 Bible Online

1 Ikun rẹ Ivie 26 - urhobo bible

1 Ikun rẹ Ivie 26

¹Vwọ kẹ ẹgharọ rẹ ihwo re rhẹrẹ inurhoro na: e rẹ ihwo ri Kora, Meshelemiah ọmọ ri Kore, rẹ emọ rẹ Asaf.

²Meshẹlemiah vwo emọ: Zekariah, ọmọkpako, Jidiael ọrivẹ. Zibadiah ọrerha, Jatniel ọrẹne,

³Elam ọriyori, Jehohanan ọresan, Iliehoenae ọrighwre.

⁴Obẹdedọm vwo emọ: Shimayah ọmọkpako, Jehozabad ọrivẹ, Joab ọrerha, Saka ọrẹne, Netanẹl ọriyori,

⁵Amiẹl ọresan, Isaka ọrighwrẹ, Piulletai ọrẹrenre; kidie Ọghẹnẹ bruphihọ kẹ.

⁶Ọtiọye ji Shimayah rẹ ọmọ rọye rẹ ọshare ji vwiẹ emeshare kẹ re dia ihwo ri suẹn vwẹ evwruwevwi rẹ esẹ rayen kidie ayen ihwo ri vwo ẹgba.

⁷Emọ ri Shimayah: Otni, Rafẹl, Obẹd, kugbe Ẹlzabad, rẹ imoni rọye vwo ẹgba, Elihu vi Simakiah.

⁸Enana ejobi na emọ rẹ Obẹdedọm vẹ emọ rayen kugbe imoni rayen, ihwo ra vwẹ ogangan kẹ fiki rẹ ẹga; ujorha gbẹ ivẹ ihwo rẹ Obẹdedom.

⁹Meshelemiah vwo emọ vẹ imoni, egba rẹ ihwo, ihwe gbe ẹrenre.

¹⁰Hosa, usun rẹ emọ ri Merari, o vwo emeshare: Shimri rẹ olori jẹ ọ dia ọmọkpako-o, dede na jẹ ọsẹ rọye vwi ro mu olori.

¹¹Hilkia ọrivẹ, Tebaliah ọrerha, Zekariah ọrẹne: emeshare vẹ imoni rọye ejobi da dia ihwerha.

¹²Ẹgharọ nana rẹ ihwo re rhẹrẹ inurhoro na, vẹ ilori rayen shephihọ, ayen vwo iruo, kirobo rẹ imoni rayen ruru ri gbe odibo vwẹ uwevwi rẹ Ọrovwohwo na.

¹³Ayen da vwẹ evwruwevwi rẹ esẹ rayen vwo mu ama, te itutuno te iride obọvo, vwọ kẹ inurhoro rayen.

¹⁴Ama rẹ obaro ọnre de mu Shelemiah. Ayen de ji mu ama kẹ ọmọshare rọye re se Zekariah, ọboiroro ghwanghwanre, ama rọye de mu obọrhe ọnre.

¹⁵Ọ ro Obẹdedọm da rhe dia obuko ọnre, ọ rẹ emọ rọye de rhe mu asan ra ghwẹ emu phihọ.

¹⁶Ọ ri Shupim vi Hosah de mu obohwẹre ọnre, vwẹ anurhorọ ri Shalekẹt vwẹ idjerhe re de yere enu. Ohẹrhẹ vẹ ohẹrhẹ de ghwe shephihọ.

¹⁷Obaro ọnre ihwo esan ẹdẹ ọvo, obọrhe ọnre ẹdẹ ọvo ihwo ẹne, obuko ọnre ihwo ẹne ẹdẹ ọvo, ọtiọye ivẹ kugbe ivẹ vwẹ asan ra ghwẹ emu phihọ.

¹⁸Ẹkẹvuọvo vwẹ ibara rẹ obohwẹre ọnre erhẹrotọ ẹne vwẹ idjerhe kugbe ivẹ vwẹ ibara na.

¹⁹Enana ẹgharọ rẹ erhẹrotọ rẹ inurhoro re hẹ ohri ri Kora kugbe emọ rẹ Merari.

²⁰Vwẹ emọ ri Livae na, Ahija re vwẹ ẹro te ekuakua rẹ uwevwi rẹ Ọghẹnẹ kugbe uwevwi rẹ efe re ẹse re rufon kẹ Ọghẹnẹ.

²¹Emọ ri Ladan kugbe emeshare ri Gẹshọn ri Ladan vwori, ilori rẹ uwevwi rẹ esẹ na ri Ladan ohwo ri Gẹshọn vwori: Jehieli.

²²Emọ ri Jehieli, Zitam vi Joẹl rẹ oniọvo rọye, re vwẹ ẹro te uwevwi rẹ efe vwẹ evun rẹ uwevwi rẹ Ọrovwohwo na.

²³Emọ rẹ Amram, Izhar, Hibrọn, kugbe Uziẹl,

²⁴kugbe Shibuẹl rẹ ọmọ ri Gẹshọn rẹ ọmọ ri Mosis, ọye olori re vwẹ ẹro te uwevwi rọ efe.

²⁵Imoni rọye nẹ Elieza rhe ọye ọmọ rọye Rehabia vẹ ọmọ rọye Jeshayah kugbe ọmọ rọye Joram, kugbe ọmọ rọye Shelomot,

²⁶Shelomot nana vẹ omoni rọye eye vwẹ ẹro te uwevwi rẹ efe ejobi rẹ ekuakua re rufon re vwo ru esẹ kẹ Devid ovie, kugbe ilori rẹ uwevwi rẹ esẹ na, kugbe iruiruo rẹ uriori vẹ ujori kugbe inotu rẹ ofovwi, rufon.

²⁷Nẹ ekuakua re gborhiri vwẹ ofovwi ayen de ru ayen fon vwọ kẹ ẹro evwote rẹ uwevwi rẹ Ọrovwohwo na;

²⁸kugbe emu ejobi ri Samuẹl rẹ ọmraro, kugbe Sọl rẹ ọmọ rẹ Kish, kugbe Abna rẹ ọmọ ri Ner, kugbe Joab ọmọ rẹ Zeruya rufon na, a da vwẹ ayen kẹ Shelomọt vẹ imoni rọye yọnre.

²⁹Vwẹ ihwo rẹ Izha, Chananiah vẹ emọ rọye a da vwẹ ayen mu nẹ e vwẹ ẹro te iruo rẹ otafe vwẹ Izrẹl kerẹ iruiruo vẹ iguẹdjọ.

³⁰Vwọ kẹ ihwo rẹ Hibrọn, Hashabia vẹ imoni rọye, ihwo uriori kugbe ujori rẹ ihwo ri vwo ogangan, keye vwẹ ẹro te Izrẹl vwẹ obuko ọnre ri Jọdan vwọ kẹ iruo ejobi rẹ Ọrovwohwo kugbe iruo rẹ ovie.

³¹Vwọ kẹ ihwo ri Hibrọn, Jerija ọye olori rẹ ihwo ri Hibrọn kuvwiẹ kuvwiẹ yẹrẹ uwevwi rẹ esẹ na (vwẹ ikpe ujuvẹ rẹ ẹriọ ri Devid, a da rhe guọnọ a da mrẹ ihwo ri me vwo ogangan keye ihwo ri Jaza vwi Giliad)

³²Ovie Devid de vwo mu vẹ imoni rọye, uriori ivẹ gbẹ uri erha rẹ ihwo ri vwo ogangan, ilori rẹ iwevwi rẹ esẹ na re vwẹ ẹro te emọ rẹ Rubẹn, kugbe Gad kugbe ubro rẹ orua ri Manasse vwi kemu kemu ro kpo ẹbẹre rẹ Ọghẹnẹ kugbe emu ro kpo ẹbẹre rẹ ovie.