Read urhobo 1 Ikun rẹ Ivie 4 Bible Online

1 Ikun rẹ Ivie 4 - urhobo bible

1 Ikun rẹ Ivie 4

¹Emọ ri Juda: Pẹrẹz, Hẹzrọn, Garmi, Hur kugbe Shobal.

²Realah ọmọ ri Shobal ọye ọsẹ ri Jahat, Jahat rẹ ọsẹ rẹ Ahumai kugbe Lahad. Enana orua ri Zorat.

³Enana emeshare rẹ Etam: Jẹzreel, Ishma kugbe Idbash; odẹ rẹ oniọvo rayen rẹ ọmọtẹ ki Hazzelelponi,

⁴kugbe Pẹnuẹl rẹ ọsẹ ri Gedọr, kugbe Ezer rẹ ọsẹ ri Hushah. Enana emọ ri Hur, ọmọkpako rẹ Ephratah rẹ ọsẹ ri Bẹtlẹhẹm.

⁵Ashhur, rẹ ọsẹ ri Tekoa, vẹ eya ivẹ, Helah kugbe Naarah;

⁶Naarah de vwiẹ Ahuzzam, Hefer, Temeni, kugbe Haahashtari. Enana emọ ri Naarah.

⁷Emọ ri Helah: Yẹrẹt, Izhat, kugbe Etam.

⁸Kọz ọye ọsẹ rẹ Anub, Zobebah, kugbe orua rẹ Aharhẹl rẹ ọmọ ri Harum.

⁹Jabẹz re ma dia ohwo ro vwo ọghọ nọ iniọvo rọye rẹ emeshare; oni rọye de mu odẹ ri Jabẹz kẹ, tanẹ, Kidie evwiẹ rọye ga kẹ vwẹ.

¹⁰Jabẹz de se Ọghẹnẹ rẹ Izrẹl, ọ da ta, Manẹ kẹ wo bruphihọ kẹ vwẹ rere wo ji ru otọ mẹ rho, re wo nene uvwe dia re wọ sẹro mẹ nẹ ukpokpogho rere o ju vwe oma ẹwan! Ọghẹnẹ de ru obo rọ nọre kẹ.

¹¹Chelub, rẹ oniọvo rẹ ọshare ri Shuhah, ọye ọsẹ ri Mehir, rẹ ọsẹ rẹ Eshtọn.

¹²Eshtọn ọye ọsẹ ri Betrafa, Paseah, kugbe Tẹhinnah ọsẹ ri Imahash. Ena ihwo ri Rekah.

¹³Emọ ri Kenaz: Otniẹl kugbe Seraya; emọ rẹ Otniẹl: Hatat kugbe Meonotai.

¹⁴Meonotai ọsẹ rẹ Ofrah; kugbe Seraya ọsẹ ri Joab rọ dia ọsẹ ri Geharashim, re se ọtiọye fikiridie ayen ihwo ri ruona.

¹⁵Emọ ri Kalẹb rẹ ọmọ ri Jephunneh: Iru, Elah, kugbe Naam; kugbe emọ rẹ Elah: Kenaz.

¹⁶Emọ ri Jehallelel: Zif, Zifah, Tiria, kugbe Asarẹl.

¹⁷Emọ rẹ Ezrah: Jeter, Mered, Epher, kugbe Jalọn. Ena hẹ emọ ri Bitiah, ọmọ rẹ ọmọtẹ ri Fero ri Mẹrẹd rọvwọre; ọmrevun o de vwiẹ Miriam, Shammai kugbe Ishbah rọ dia ọsẹ ri Eshtemoa.

¹⁸Aye rọye rẹ ohwo ri Ju o de vwiẹ Jẹrẹd kẹ rọ dia ọsẹ ri Gedor, Hebẹr ọsẹ ri Soko, kugbe Jekutiẹl rẹ ọsẹ ri Zanoah.

¹⁹Emọ rẹ aye ri Hodiah oniọvo rẹ ọmọtẹ ri Naham, eye esẹ rẹ Keilah ohwo ri Garm kugbe Eshtemoa rẹ ohwo ri Maakat.

²⁰Emọ ri Shimọn: Ammọn, Rinnah. Bẹnhanan kugbe Tilọn. Emọ rẹ Ishi: Zohet kugbe Bẹnzobet.

²¹Emọ ri Shelah rẹ ọmọ ri Juda: Er rẹ ọsẹ ri Lekah; Laadah rẹ ọsẹ ri Mareshah, kugbe orua rẹ uwevwi rẹ ihwo ri ruiruo rẹ emwa vwi Bẹtashbea;

²²Jokim, kugbe ihwo ri Kozeba, kugbe Joash, kugbe Saraph, ro sunru vwi Moab ọ da rhoma rhe Lehem (etinẹ na iyẹnrẹn na kpo awanre re)

²³Enana ihwo re ma echẹ kugbe ihwo re dia Netaim kugbe Gedera; Ayen vẹ ovie re gba dia etiyin fiki rẹ iruo rọye.

²⁴Emọ ri Simiọn: Nẹmuẹl, Jamin, Jarib, Zerah, Shaul;

²⁵Shallum ọmọ rọye rẹ ọshare Mibsam ọmọ rọye rẹ ọshare, Mishma ọmọ rọye rẹ ọshare.

²⁶Emọ ri Mishma: Hammuẹl ọmọ rọye, Zakọ Ọmọ rọye, Shimei ọmọ rọye.

²⁷Shimei vwo emeshare esan kugbe emetẹ esan; ẹkẹvuọvo imoni rọye rẹ eshare se vwo emọ bu-u. Orua rọye ji vwiẹ bu kerẹ orua efa vwi Juda-a.

²⁸Ayen da dia Beersheba, Moladah, Hazar-shual,

²⁹Bilhah, Ezẹm, Tolad,

³⁰Bẹtuẹl Hormah, Ziglag,

³¹Bẹtmakabọt, Hazarsusim, Betbiri, kugbe Shaaraim. Enana irere rayen bẹsiẹ ri Devid rhe vwọ re uvie.

³²Ẹko rayen kẹ Etam, Ain, Rimmọn, Token kugbe Ashan, irere iyori,

³³rhe kugbe ẹko rayen re riariẹ irere na phihọ rhiri yanran re te Baal. Enana asan rayen diare, ayen da rha sẹro re ẹbe rẹ orua rayen.

³⁴Meshobab, Jamlẹk, Joshah rẹ ọmọ rẹ Amazaya.

³⁵Joẹl, Jehu ọmọ ri Joshibiah, ọmọ ri Seraya rẹ ọmọ rẹ Asiẹl.

³⁶Elioenai, Jaakobah, Jeshohaya, Asayah, Adiẹl, Jesimiẹl, Benayah,

³⁷Ziza rẹ ọmọ ri Shiphi, rẹ ọmọ rẹ Alọn, rẹ ọmọ ri Jedayah, rẹ ọmọ ri Shimri, rẹ ọmọ ri Shemayah —

³⁸ena re se odẹ na eye isun vwẹ orua rayen, iwevwi rẹ esẹ rayen de rhi bu phihọ.

³⁹Ayen da yanran kpo ughere ri Gẹdọr, kpo ẹbẹre rẹ obaro ọnre rẹ iyara na, guọnọ odi vwọ kẹ igodẹ rayen.

⁴⁰Asan rayen da mrẹ omamọ rẹ odi, otọ na pha hẹhẹre gangan, ọ pha rieen, fuefu, fiki rẹ ihwo re ka dia etiyin ihwo ri Ham.

⁴¹E si edẹ rẹ enana phihọ otọ, vwẹ ọke ri Hezikaya, ovie ri Juda, ayen da guọghọ itughẹ rayen kugbe Meunim ra mrẹre vwẹ etiyin, e de hwe ayen ejobi re rhiri duvwẹ ẹdẹ ri nonẹ, ayen da dia ẹdia rayen, fikiridie odi herọ kẹ igegede rayen.

⁴²Evo rayen, ujori iyori rẹ eshare ri Simiọn, da yanran kpo Ugbenu ri Sia, ayen da reyọ Pelatiah vwo ru ohwo ro suẹn ayen, Nearaya, Refaya kugbe Uzziẹl, ọmọ rẹ Ishi;

⁴³ayen de hwe ihwo rẹ Amalẹk re djẹre, ayen da dia etiyin re duvwu ẹdẹ ri nonẹ.