Read urhobo 1 Ikun rẹ Ivie 9 Bible Online

1 Ikun rẹ Ivie 9 - urhobo bible

1 Ikun rẹ Ivie 9

¹Ọtiọye e si Izrẹl ejobi phihọ ọbe rẹ uvwiẹ, e de si enana phihọ evun rẹ Ẹbe rẹ Ivie rẹ Izrẹl. E de mu Juda imu kpo Babilọn fiki rẹ umwemwu rayen.

²Asakiephana ihwo rẹ ẹsosuọ re ka rhe dia ughwẹ rayen vwẹ irere rayen da dia Izrẹl, irherẹn ri Livae na, kugbe idibo ri gbe odibo vwẹ uwevwi rẹ ẹga na.

³Ihwo ri Juda evo; Benjamin, Ifrem, kugbe Manasse dia Jerusalẹm.

⁴Utrai rẹ ọmọ rẹ Ammihud, ọmọ rẹ Omri, ọmọ rẹ Imri, ọmọ ri Bani, nẹ emọ ri Pẹrẹz rẹ ọmọ ri Juda.

⁵Ihwo ri Shilo. Asayah rẹ ọmọkpako vẹ emọ rọye.

⁶Vwẹ ẹmọ ri Zera: Jeuẹl kugbe imoni rọye, uri erha kugbe ujọne gbẹ ihwe.

⁷Vwẹ ihwo ri Benjamin: Sallu rẹ ọmọ ri Meshuliam, ọmọ ri Hodaviah, rẹ ọmọ ri Hassenuah,

⁸Ibneiah rẹ ọmọ ri Jeroham, Elah, rẹ ọmọ rẹ Uzzi, ọmọ ri Mikri, kugbe Meshullam rẹ ọmọ ri Shefatiah, ọmọ ri Reuẹl, rẹ ọmọ rẹ Ibnijah,

⁹kugbe imoni rọye kirobo rẹ uvwiẹ rayen epha, uri ẹne gbẹ ujughwrẹ gbẹ ihwe gbẹ esan. Enana ejobi ihwo ri vwo iyovwi vwẹ uwevwi rẹ esẹ rayen kirobo rẹ uwevwi rẹ esẹ rayen epha.

¹⁰Vwẹ irherẹn na: Jedayah, Jehoiarib, Jakin

¹¹kugbe Azariah rẹ ọmọ ri Hilkiah ọmọ ri Meshuliam, ọmọ ri Zadọk, ọmọ ri Merariot, ọmọ rẹ Ahitub, ohwo rọ ma rho vwẹ uwevwi rẹ Ọghẹnẹ,

¹²kugbe Adayah rẹ ọmọ ri Jẹrọham, ọmọ ri Pashhur, rẹ ọmọ ri Malkiah, kugbe Maasai rẹ ọmọ rẹ Adiẹl, rẹ ọmọ ri Jahzerah, rẹ ọmọ ri Meshullam, rẹ ọmọ ri Meshidlemit, rẹ ọmọ rẹ Immer:

¹³E de si imoni rayen no, uyuyovwi rẹ uwevwi rẹ esẹ rayen, ayen ihwo uriori ọvo ujori ighwrẹ gbẹ ujorha; ihwo rẹ udu rayen gba iruo rẹ uwevwi rẹ Ọghẹnẹ na.

¹⁴Vwẹ ihwo ri Livae: Shemayah rẹ ọmọ ri Hasshub, rẹ ọmọ rẹ Azikam, ọmọ ri Hashabiah, rẹ emọ ri Merari:

¹⁵kugbe Bakbakka, Heresh, Galal, kugbe Mattaniah rẹ ọmọ ri Mika, rẹ ọmọ ri Zikri, rẹ ọmọ rẹ Asaf;

¹⁶Obadiah rẹ ọmọ ri Shemaya, rẹ ọmọ ri Galal, rẹ ọmọ ri Jedutun, kugbe Berekiah rẹ ọmọ rẹ Asa, ọmọ rẹ Elkanah, rọ dia ọko rẹ ihwo ri Netofat.

¹⁷Ihwo re sẹro rẹ anurhoro na: Shallum, Akkub, Talmọn, Ahiman, kugbe imoni rayen (Shallum ọye olori),

¹⁸e phi ayen phihọ anurhoro rẹ ovie vwẹ obaro ọnre. Enana ihwo re sẹro rẹ unurhoro rẹ erhọn rẹ ihwo ri Livae.

¹⁹Shallum re ọmọ ri Kore rẹ ọmọ rẹ Ebiasaf, rẹ ọmọ ri Korah, kugbe imoni rọye rẹ uwevwi rẹ ọsẹ rọye, ihwo ri Korah, eye hẹ enu rẹ iruo rẹ ẹga na, ihwo re vwẹ ẹro te ibara rẹ utughẹ na kirobo rẹ esẹ rayen hẹ enu rẹ erhọn rẹ Ọrovwohwo na, ihwo re sẹro anurhoro.

²⁰Finehas rẹ ọmọ rẹ Eleazar ọye osun rẹ ayen vwẹ ọke rọ wanre; Ọrovwohwo vẹ ọye da herọ.

²¹Zakaraya rẹ ọmọ ri Meshẹlẹmiah ọye ohwo rọ rhẹrẹ anurhorọ rẹ utughẹ ra da vwa oma na.

²²Enana ejobi, a jẹre vwẹ ibara na re rhẹrẹ anurhoro na da dia uri gbẹ ihwivẹ. E ji si ayen dohwo dorua rayen vwẹ ẹko rayen. Devid vi Samuẹl rẹ ọmraro na vwẹ ayen mu vwẹ enu rẹ iruo rayen.

²³Ọtiọye te ayen vẹ emọ rayen da vwẹ ẹro te inurhoro rẹ uwevwi rẹ Ọrovwohwo, ọye uwevwi rẹ utughẹ na, kerẹ erhẹrotọ.

²⁴Ihuhu ẹchẹ na da hẹ igogo ẹne na vwẹ obaro ọnre, obuko ọnre, obọrhe ọnre kugbe obohwẹre ọnre;

²⁵imoni rayen rẹ ẹko rayen mia rha cha urhurhughwrẹ, nẹ ọke ra ro ọke, rhe vwọ ba enana;

²⁶kidie ihuhu ẹchẹ ẹne ri vwo uyovwi na, re dia ihwo ri Livae na, eye hẹ enu rẹ ivun kugbe uwevwi rẹ efe rọ hẹ uwevwi rẹ Ọghẹnẹ na.

²⁷Ayen de muerhọn riariẹ uwevwi rẹ Ọghẹnẹ phihọ; fikiridie ayen vwo owian rẹ ẹrhẹrẹ rẹr anurhoro na kugbe enuvie rayen kirhiọke kirhiọke.

²⁸Ayen evo vwẹ ẹro te ekuakua ra vwọ ga ẹga na, kidie a guọnọre ne kere ayen vwẹ ọke rẹ a da ghwa ayen ro uwevwi eyẹrẹ otafe.

²⁹A da vwẹ efa mu re vwẹ ẹro te ekuakua ra vwọ rhuẹrẹ uwevwi, vẹ ekuakua efuanfon rẹ uchere, kugbe eka ra nabọ duvwu, wain, ọfigbo, insẹns, kugbe egẹ.

³⁰Efa, vwẹ ẹmọ rẹ irherẹn na, me nabọ rhuẹrẹ egua rẹ egẹ na,

³¹kugbe Matitiah, ọvo vwi ihwo ri Livae na, rẹ ọmọkpako ri Shafium rẹ ọmọ ri Korah rọ vwẹ ẹro te eruo rẹ ikara epẹpẹghẹ.

³²Ji te evo vwẹ imoni rẹ ihwo ri Korat re vwẹ ẹro te ikara ra vwọ nẹ rẹ ayen vwọ rhuẹrẹ kedidjala ejobi.

³³Asakiephana enana ibuine na, esẹ ri vwo uyovwi vwẹ uwevwi ri Livae, re dia evun vwẹ uwevwi rẹ Ọrovwohwo re vwẹ obọ te iruo efa-a, kidie ayen ru iruo vwẹ ason vẹ uvo.

³⁴Enana ihwo ri vwo uyovwi vwẹ uwevwi rẹ esẹ rẹ ihwo ri Livae, kirobo rẹ uvwiẹ rayen epha, isun re dia evun ri Jerusalẹm.

³⁵Gibiọn ọye ọsẹ ri Gibiọn Jeiẹl, vẹ aye rọye Maakah diare,

³⁶kugbe ọmọkpako rọye Abdọn, a ke mrẹ Zur, Kish, Baal, Ner, Nadab,

³⁷Gedọr, Ahio, Zachariah kugbe Milklọt;

³⁸Milklọt da dia ọsẹ ri Shimeam; enana je ghwa dia hirhe aro ku imoni rayen vwi Jerusalẹm vẹ imoni rayen.

³⁹Ner ọye ọsẹ ri Kish. Kish ọye ọsẹ rẹ Sọl, Sọl ọye ọsẹ ri Jonatan, Malklshua, Ahinadab kugbe Eshhaal;

⁴⁰ọmọ ri Jonatan hẹ Meribbaal; Meribbaal ọye ọsẹ ri Mikah,

⁴¹Emọ ri Mikah; Pitọn, Melek, Tahrea, kugbe Ehaz;

⁴²Ehaz ke rha ọsẹ ri Jarah, Jarah ọye ọsẹ rẹ Alemet, Azmavet, kugbe Zimri, Yimri ọye ọsẹ ri Moza.

⁴³Moza ọye ọsẹ ri Binea; Refayah da rha dia ọmọ rọye, Eleasah da rha dia ọmọ rọye. Azẹl ọye ọmọ rọye.

⁴⁴Azẹl vwo emọ esan edẹ rayen ena: Azrikam, Bokeru, Ishmael, Sheariah, Obadiah kugbe Hanan. Enana eye emọ rẹ Azẹl.