Read urhobo 2 Ikun rẹ Ivie 12 Bible Online

2 Ikun rẹ Ivie 12 - urhobo bible

2 Ikun rẹ Ivie 12

¹Ọke rẹ uvie ri Rehoboam rhe vwọ ghwaotọ kọkọroko nure, ọ da sen urhi rẹ Ọrovwohwo, ọ da vwẹ Izrẹl ejobi ba oma.

²Vwẹ ukpe riyori rẹ Ovie Rehoboam, fikiridie ayen rhe se Ọrovwohwo gbuyota-a na, Shishak ovie rẹ Ijipt da rhe họnre Jerusalẹm

³Ọ vẹ ekpẹrẹ ujori ihwivẹ kugbe ihwo re gua iyesi uriori ujorha. Ihwo ri nenire nẹ Ijipt rhe — ihwo ri Nibya, Sukkiim, vẹ Itiopia e se kere aye-en.

⁴Ọ da reyọ irere ri Juda ra gba ogba phihọ rhiri re te Jerusalẹm.

⁵Etiyin Shemaiya rẹ ọmraro na de bru Rehoboam rhe kugbe isun ri Juda, re rhe ghwẹ koko vwi Jerusalẹm fiki ri Shishak, ọ da ta kẹ ayen, E nẹ Ọrovwohwo tare, Wa mrẹ vwẹ djẹ, ke me je djẹ jẹ ovwan vwo ki Shishak.

⁶Etiyin isun rẹ Izrẹl kugbe ovie na da vwẹ oma kpotọ ta, Ọrovwohwo na ọvwata.

⁷Ọke rẹ Ọrovwohwo vwọ mrẹ nẹ ayen vwẹ oma kpotọ, ota rẹ Ọrovwohwo na de bru Shemaiya rhe; Ayen vwẹ oma rẹ ayen kpotọ; Me gbe ghwọrọ aye-en, ẹkẹvuọvo ke me kẹ ayen esivwo, me gbe wan obọ ri Shishak tue ophu mẹ ku Jerusalẹmu-u.

⁸Ẹkẹvuọvo kẹ ayen dia idibo kẹ, rere ayen mrẹ vughe ẹga mẹ vẹ ẹga rẹ ivie rẹ irho ri chekọ na.

⁹Kọye Shishak ovie rẹ Ijipt da rhe vwẹ ohọnre so Jerusalẹm; ọ da ghwẹ efe rẹ uwevwi rẹ Ọrovwohwo na reyọ kugbe efe rẹ uwevwi rẹ ovie na; ọ da ghwẹ kemu kemu ejobi reyọ. Ọ da je reyọ ekpọfia rẹ ọro ri Solomọn duvwuru;

¹⁰Ovie Rehoboam de duvwu ekpọfia rẹ ẹrovwo phihọ ẹdia rọye, o de phi ayen phihọ obọ rẹ onotu rẹ ohẹrhẹ, rọ rhẹrẹ anurhoro rẹ uwevwi rẹ ovie.

¹¹Kọke kọke rẹ ovie na de kpo uwevwi rẹ Ọrovwohwo na, ọrhẹrotọ na me rhe ri mu ayen, ọ me ghwẹ ayen kpo obo uwevwi ra da rhẹrẹ na.

¹²Ọke rọ da vwẹ oma kpotọ ophu rẹ Ọrovwohwo na mi bi no oma, o rhe jọ guọghọ re, tototo-o; ọ rọ marho, eyere de yovwi vwi Juda.

¹³Kọye Ovie Rehoboam da vwẹ owọ muotọ vwi Jerusalẹm ọ da re uvie vwọ. Rehoboam da dia ẹgbukpe ujuvẹ gbe ọvo ọke rọ vwọ re uvie, ọ da re ikpe ihwe gbe ighwrẹ vwi Jerusalẹm, orere rẹ Ọrovwohwo jẹreyọ vwẹ orua rẹ Izrẹl ejobi nẹ odẹ rọye dia etiyin. Odẹ rẹ oni rọye kẹ Naamah ohwo rẹ Ammọn.

¹⁴O de ru emu umwemwu, kidie ọ vwẹ udu rọye ejobi vwọ guọnọ Ọrovwohwo-o.

¹⁵Asakiephana uruemu ri Rehoboam, nẹ ẹsosuọ rhi te oba, e rhe si ayen phihọ ẹbe rẹ ikun ri Shemaiya rẹ ọmre na kugbe Iddọ rọ ọmre? Ofovwi da herọ kọke kọke vwẹ uvwre ri Rehoboam vi Jeroboam.

¹⁶Rehoboam da vwerhẹ kugbe esẹ rọye, e de sho phihọ orere ri Devid; Ahijah rẹ ọmọ rọye da re vwẹ ẹdia rọye.