Read urhobo 2 Ikun rẹ Ivie 13 Bible Online

2 Ikun rẹ Ivie 13 - urhobo bible

2 Ikun rẹ Ivie 13

¹Vwẹ evun rẹ ikpe rihwe gbẹ ẹrenre rẹ Ovie Jeroboam Abijah de muphihọ ẹriọ vwẹ enu ri Juda.

²Ọ da re ikpe erha vwi Jerusalẹm. Odẹ rẹ oni rọye ki Mikaiya ọmọtẹ rẹ Uriẹl ri Gibeah. Asakiephana ofovwi da rhe so Abijah vi Jeroboam.

³Abijah de kpo ofovwi na ọ vẹ unuofovwi rẹ ihwo ri yivwaro, ihwo uriori ujori ẹne ra sanọre; Jeroboam de rhi mu ofovwi na chivwi ọ vẹ ihwo uriori ujori ẹrenre rẹ egba ra sanọre.

⁴Etiyin Abijah de mudia vwẹ enu rẹ Ugbenu ri Zemaraim rọ he obọ orere rẹ Ugbenu rẹ Ifrem, ọ da ta, Nyo vwẹ, E Jeroboam vẹ Izrẹl ejobi.

⁵Wọ rha riẹn nẹ Ọrovwohwo Ọghẹnẹ rẹ Izrẹl siobọ nẹ uvie rẹ Izrẹl kẹ Devid vẹ emọ rọye vwẹ oma rẹ ọphọ rẹ ughweraka rẹ ọ vẹ ọye rere?

⁶Dede na yi Jeroboam ọmọ ri Nebat, odibo ri Solomọn ọmọ ri Devid, de vrẹn mukpahe ọrovworo;

⁷Ye erharhe rẹ ihwo ẹvo fanfanrhie da ghwẹ rhurho obuko ri gbobọ se Rehoboam ọmọ ri Solomọn, vwẹ ọke ri Rehoboam vwọ hẹ omotete ro nẹ emuọvo so-o yẹ udu rọye je sa gba aye-en.

⁸Asakiephana ku wo rori nẹ udu wẹn cha gba uvie rẹ Ọrovwohwo vwẹ obọ rẹ emọ ri Devid, fikiridie wẹ urogho we ki rhe vwo emọ rẹ irhuẹn rẹ oro ri Jeroboam duvwuru nẹ dia ẹdjọ kẹ ovwan.

⁹Ọ dia owẹ re djẹ irherẹn rẹ Ọrovwohwo na, emọ rẹ Erọn, kugbe ihwo ri Livae, wọ da vwẹ irherẹn robọ wẹn ma kerẹ ihwo rẹ etọ efa? Kohwo kohwo rọ reyọ upene rẹ erhuẹn eyẹ egbo ighwrẹ vwo ru oma rọye fon kọ ghwa dia orherẹn rẹ obo re dia edjọ-ọ.

¹⁰Ẹkẹvuọvo vwọ kẹ avwanre, Ọrovwohwo Ọghẹnẹ rẹ avwanre senrọ. Avwanre vwo irherẹn ri gbe odibo kẹ Ọrovwohwo re dia emọ rẹ Erọn dẹn, kugbe ihwo ri Livae re ga ẹga rayen.

¹¹Ayen mie ze kẹ Ọrovwohwo te irhiọke te ovwọnvwọn izobo rẹ ẹtorhẹ kugbe ugboduma ro gbo ọnrhe ororo ayen mi mu ikara ra vwọ nẹ kpahe enu rẹ imẹjẹ rẹ omamọ rẹ oro na, e me vwẹ ẹro te ogburhukpẹ rẹ oro na rere irhukpẹ rọye a la kovwọnvwọn kovwọnvwọn; kidie avwanre yọnrọn urhi rẹ Ọrovwohwo Ọghẹnẹ rẹ avwanre, ẹkẹvuọvo yẹ ovwan senrọ.

¹²Nighere, Ọghẹnẹ vẹ avwanre herọ vwẹ obaro, irherẹn rọye vẹ ewanre rẹ ofovwi rayen ri che hworo ri se ihwo vwọ họnre owẹ. E emọ rẹ Izrẹl, wa họnra Ọrovwohwo, Ọghẹnẹ rẹ esẹ rẹ avwanre-e; kidie wa cha sa kparobọ-ọ.

¹³Da yi Jeroboam ji ihwo nẹ a ra hwaphihọ hẹrhẹ ayen vwẹ obuko; e nẹ kọye unuofovwi vwọ hẹ obaro ki Juda, otu re hwaphihọ da hẹ obuko kẹ ayen.

¹⁴Juda vwo ni, nighere, ofovwi obaro ọ he obuko kẹ ayen; ayen de kperi se Ọrovwohwo, irherẹn na de hworo ewanre.

¹⁵Etiyin eshare ri Juda de kudje rẹ ofovwi. Ọke rẹ eshare ri Juda vwo kperi, Ọghẹnẹ de phi Jeroboam kua kugbe Izrẹl ejobi vwọ kẹ Abijah vi Juda.

¹⁶Ihwo rẹ Izrẹl da mrẹ Juda djẹ, Ọghẹnẹ de phi ayen phihọ obọ rayen.

¹⁷Abijah vẹ ihwo rọye de hwe ayen ehwe rode gangan; ọtiọye na ihwo rẹ Izrẹl re hweri ri sheri da dia uriori ujori iyori rẹ ihwo ra sanọre.

¹⁸Kẹnẹ e phi ihwo rẹ Izrẹl kua vwẹ ọke yena, ihwo ri Juda da kparobọ, fikiridie ayen vwẹ ẹro so Ọrovwohwo na, Ọghẹnẹ rẹ esẹ rayen.

¹⁹Abijah da vwọ tua Jeroboam, o de mie irere buebu, Bẹtẹl vẹ ẹko rọye kugbe Jeshenah vẹ ẹko rọye kugbe Ephrọn vẹ ẹko rọye.

²⁰Jeroboam gbe sa reyọ ogangan rọye vwẹ ọke rẹ Abijah ọfa-a Ọrovwohwo da ghwiẹ, o de ghwu.

²¹Ẹkẹvuọvo Abijah da rhe goma gangan. Ọ da reyọ eya ihwẹne, o de vwiẹ emeshare uje gbẹ ivẹ kugbe emetẹ ihwe gbe esan.

²²Eyere rẹ akpọ rẹ Abijah ro chekọ, idjerhe rọye kugbe eta rọye, e si ayen phihọ ọbe rẹ ikun rẹ ọmraro Iddo.