Read urhobo 2 Ikun rẹ Ivie 15 Bible Online

2 Ikun rẹ Ivie 15 - urhobo bible

2 Ikun rẹ Ivie 15

¹Erhi rẹ Ọghẹnẹ de bru Azariah ọmọ rẹ Ọdẹd rhe,

²Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

³Kidie vwẹ ọke krekri Izrẹl vwo Ọghẹnẹ rẹ uyota-a, ayen ji vwo omamọ rẹ orherẹn ro yono aye-en, ayen ji vwo urhi-i.

⁴Ẹkẹvuọvo vwẹ ọke rẹ ọdjarhe ayen de rhivwi bru Ọrovwohwo Ọghẹnẹ rẹ Izrẹl, rẹ ayen da guọnọ, ayen ke mrẹ.

⁵Vwẹ ọke yena o rhe vwo ufuoma kẹ ohwo ro kpo otafe eyẹ ọ ro kpo uwevwi-i, kidie okpetu da rhe so ihwo ejobi re dia otọ na.

⁶Ayen da rhe hra ẹkuẹko, ẹgborho vwọ so ẹgborho orere vwọ so orere, kidie Ọghẹnẹ da vwẹ oghẹre koghẹre rẹ emiavwe vwo mu ayen.

⁷Ẹkẹvuọvo we yivwaro wo jẹ abọ rhọ wẹ-ẹ, kidie wọ cha reyọ osa rẹ iruo wẹn.

⁸Ọke rẹ Asa vwo nyo eta nana, aroẹmrẹ rẹ Azariah ọmọ rẹ Odẹd, udu rọye da gan, o de siobọ nẹ ema rẹ ẹgha na nẹ otọ ri Juda kugbe Bẹnjamin ejobi ji kugbe irere rọ reyọre vwẹ obo orho rẹ ugbenu rẹ Ifrem, ọ da rhuẹrẹ agbada rẹ Ọrovwohwo na rọ hẹ obaro rẹ ọmọguan rẹ uwevwi re Ọrovwohwo na.

⁹O da ghwẹ Juda ejobi kugbe Bẹnjamin koko, kugbe ihwo ri nẹ Ifrem rhe, Manasse, kugbe Simiọn re kua bru ayen rhe re dia, kidie ihwo buebu kua nẹ Izrẹl bru ayen rhe rẹ ayen vwọ mrẹ ne Ọrovwohwo Ọghẹnẹ rọye vẹ ọye herọ.

¹⁰Ayen da rhe ghwẹ koko vwi Jerusalẹm vwẹ emeranvwe rerha vwẹ ikpe ihwiori rẹ ẹriọ rẹ Asa.

¹¹Ayen de ze izobo kẹ Ọrovwohwo vwẹ ẹdẹ yena, vwẹ usun rẹ ekuakua rẹ ayen gborhori na, irhuẹn ujori ighwrẹ kugbe igodẹ uriori ighwrẹ.

¹²Ayen da re ọphọ rere ayen vwọ guọnọ Ọrovwohwo na, Ọghẹnẹ rẹ esẹ rayen, vẹ udu rayen ejobi vẹ ẹnwẹ rayen ejobi,

¹³Nẹ kohwo kohwo rọ rha guọnọ Ọrovwohwo na-a, Ọghẹnẹ rẹ Izrẹl na-a, ka teyọ hwe, Owenẹ ọ dia eghene eyẹ ọmare, ọshare eyẹ aye.

¹⁴Ayen da vwẹ Ọrovwohwo duvwu iyori vẹ urhuru ọgangan, kugbe ekuvwie, kugbe ekpere, kugbe owanre.

¹⁵Juda ejobi da ghọghọ vwẹ oma rẹ iyori eduvwo na; kidie ayen vwẹ udu rayen ejobi vwọ guọnọ, ayen da mrẹ, Ọrovwohwo da vwẹ omaerovwo vwo rhuo ayen oma riariẹ.

¹⁶Ekpuyovwi ri Maakah, rẹ oni rọye, Ovie Asa da djẹ nẹ ọ gbe dia oni rẹ ovie-e fikiridie o gbe ẹgua rọ vwọ kare oma rọye kẹ Ashera. Asa da nyavwe oma rọye na she, ọ da guọghọ, ọ da torhẹ vwẹ obo uto ri Kidrọn.

¹⁷Ẹkẹvuọvo o se si asan ri kpenu na nẹ evun rẹ Izrẹli-i. Ẹkẹvuọvo kaka abe ọvuọvo hẹ udu rẹ Asa-a vwẹ ẹdẹ rẹ akpọ rọye ejobi.

¹⁸Ọ da ghwẹ ekuakua ejobi rẹ ọsẹ rọye vwo muẹkpa rhe uwevwi rẹ Ọghẹnẹ kugbe ekuakua rẹ ekpuyovwi rọye vwo muẹkpa, idọnọ, kugbe oro, kugbe ekuakua.

¹⁹Ọ rhe vwo ofovwi ọfa-a bẹsiẹ o rhi vwo te ikpe ọgban gbe iyori rẹ ẹriọ rẹ Asa.