Read urhobo 2 Ikun rẹ Ivie 19 Bible Online

2 Ikun rẹ Ivie 19 - urhobo bible

2 Ikun rẹ Ivie 19

¹Jehoshafat ovie ri Juda de rhivwi egbẹrhẹnẹdẹ kpo uwevwi rọye vwi Jerusalẹm.

²Ẹkẹvuọvo Jehu ọmọ ri Hanani rẹ ọmrẹ na da yanran ra vwa, ọ da ta kẹ Ovie Jehoshafat, ku wọ cha ohwo-umwemwu uko rẹ ivun rẹ ihwo rẹ Ọrovwohwo tuoma da vwerhe owẹ? Fiki rẹ Ọnana, ophu wẹn ko mu Ọrovwohwo na.

³Ẹkẹvuọvo a mrẹ ememu esiri vwẹ oma wẹ, kidie wẹ re guọghọ oghriki nẹ otọ na, wọ da rha vwẹ udu wẹn vwọ guọnọ Ọghẹnẹ.

⁴Jehoshafat da dia Jerusalẹm; ọ da yan vwe ohri rẹ ihwo na, nẹ Bẹẹrsheba re te orho rẹ ugbenu rẹ Ifrem, a da vwẹ ayen rhivwi bru Ọrovwohwo rhe, Ọghẹnẹ rẹ esẹ rayen.

⁵Ọ da vwẹ iguẹdjọ mu vwẹ otọ na vwẹ irere ra gba ogba phihọ vwi Juda ejobi, korere korere,

⁶Ọ da ta kẹ iguẹdjọ na, Roro obo ru wo ruẹ, kidie ọ dia ohwo wo guẹ kẹ-ẹ ẹkẹvuọvo Ọrovwohwo na; ọ vẹ owẹ herọ vwẹ ọke ru wọ de brorhiẹ.

⁷Asakiephana, gbe jẹ oshọ rẹ Ọrovwohwo mu ovwan; kẹnoma kẹ obo ru wo ruẹ, kidie Ọrovwohwo Ọghẹnẹ rẹ avwanre na brorhiẹ rẹ ihu-u eye o ghwe oma hẹ abọvo-o, eyẹ ọ ria udi-i.

⁸Vwẹ evun ri Jerusalẹm na Jehoshafat da vwẹ ihwo ri Livae mu kugbe irherẹn kugbe igbuyovwi rẹ unuwevwi rẹ Izrẹl, ri brorhiẹ Umukpe rẹ ẹdjọ na kẹ Jerusalẹm ọ epha.

⁹O de ji iji kẹ ayen; E nẹ we ru vwẹ oshọ rẹ Ọrovwohwo, vwẹ esegbuyota, vẹ udu wẹn ejobi;

¹⁰Ọke ejobi rẹ imoni wẹn re dia irere rayen da ghwẹ ẹdjọ rhe we, kpahe ọbara re sun te otọ, urhi eyẹ iji, uruemu eyẹ egha, ku wo yono ayen, rere ayen vwo jẹ abe ẹriọ vwẹ obọ rẹ Ọrovwohwo kugbe rere ophu vwo je nẹ obọ rọye rhe rhi she teye ovwan eyẹ imoni wẹn. Kẹnẹ wo ru, wọ gbe re abe-e.

¹¹Nighe, Amaria olori rẹ irherẹn na kọye che sun ovwan vwi kota kota rẹ Ọrovwohwo ejobi; kugbe Zebadia ọmọ rẹ Ishmael, osun rẹ uwevwi ri Juda, vwi kota kota ro nẹ oma rẹ ovie rhe; ihwo ri Livae na ke dia inotu rẹ ẹga kẹ ovwan. Yivwaro, Ọrovwohwo gbe nene ọvwata dia.