Read urhobo 2 Ikun rẹ Ivie 22 Bible Online

2 Ikun rẹ Ivie 22 - urhobo bible

2 Ikun rẹ Ivie 22

¹Ihwo re dia Jerusalẹm da vwẹ Ahazaya rẹ ubrevwiẹ rọye mu ovie vwẹ ẹdia rọye; kidie usun rẹ ihwo ri nene ihwo rẹ Arebia na rhe obo erhọn na ayen de hwe emọ rọye rẹ ekpako na ejobi. Ọtiọye na Ahazaya rẹ ọmọ ri Jehoram ovie ri Juda da re.

²Ikpe ujuvẹ gbe ivẹ ọye Ahazaya vwo muphihọ ẹriọ; ọ da re ukpe ọvo vwi Jerusalẹm. Odẹ rẹ oni rọye Atalaya, ovwrọmọ rẹ Omri.

³Ọ da je yan nene idjerhe rẹ uwevwi rẹ Ehab, kidie ọni rọye ọvwiroro rọye kọye ri suo ruẹ umwemwu.

⁴O de ru obo re brare vwẹ obaro rẹ Ọrovwohwo kirobo rẹ uwevwi rẹ Ehab ruru; kidie ọke rẹ ọsẹ rọye vwo ghwu nu, ayen kẹ ivwiroro rọye, kẹ eye rhi suo ghwru.

⁵Ọ da tobọ nene iroro rayen, o de nene Jehoram ọmọ rẹ Ehab ovie rẹ Izrẹl rẹ phi Hazael ovie ri Siria vwi Ramot gilead. Ihwo ri Siria da wan Joram oma,

⁶Ọ de rhivwi kpo Jẹzreel re sivwi era ra nyavwerọ vwi Rama, vwẹ ọke rọ vwọ họnre Hazael ovie ri Siria. Ahazaya ọmọ ri Jehoram ovie ri Juda da ra ra mrẹ Joram ọmọ re Ehab vwi Jẹzreel, kidie ọ honvwa.

⁷Ẹkẹvuọvo Ọghẹnẹ vere phihọ otọ nẹ eshe rẹ Ahazaya obo ri Joram rọ djẹ ẹrara na o che nurhe. Kidie ọke ro de te etiyin ọ vi Jehoram me vwa Jebu ọmọ ri Mimshi, ohwo rẹ Ọrovwohwo vwo mu nẹ ọ ra guọghọ uwevwi rẹ Ehab.

⁸Ọke ri Jehu vwọ vwẹ uwevwi rẹ Ehab vwọ reihri re, ọ da vwa isun ri Juda kugbe emọ rẹ oniọvo rẹ Ahazaya, ri gbe odibo kẹ Ahazaya, ọ de hwe ayen.

⁹Ọ da guọnọ Ahazaya, o de re muo vwẹ asan ro de sioma nu vwi Sameria, e de muo vwo rhe Jehu a da teyọ hwe. Ayen de sho, kidie ayen tare, Ọye ovwrọmọ ri Jehoshafat, rọ vwẹ udu rọye ejobi guọnọ Ọrovwohwo. Uwevwi rẹ Ahazaya gbi vwọ ohwo ọvuọvo ro se sun uvie na-a.

¹⁰Asakiephana rẹ Atalaya oni rẹ Ahazaya vwọ mrẹ nẹ ọmọ rọye ghwuru, o vrẹnri ọ da ra guọghọ evwruwevwi rẹ ovie ri Juda.

¹¹Ẹkẹvuọvo Jehoshabeat, ọmọtẹ rẹ ovie na, da reyọ Joash ọmọ rẹ Ahazaya, ọ de cho nẹ ohri rẹ emọ rẹ ovie na ra cha teye hwe na, o de sionu ọ vẹ ohwo rọ ghẹrẹ phihọ evun rẹ uvun. E nẹ Jehoshabeat, ọmọtẹ rẹ Ovie Jehoram kugbe aye ri Jehoiada rẹ orherẹn, fiki robo rọ vwọ hẹ oniọvo rẹ Ahazaya, o de sionu kẹ Atalaya, rere o jẹ teyọ hwe;

¹²O de nene dia ikpe esan, jo sironu vwẹ uwevwi rẹ Ọghẹnẹ, vwẹ ọke rẹ Atalaya vwo suẹn vwẹ otọ na.