Read urhobo Nehemaya 11 Bible Online

Nehemaya 11 - urhobo bible

Nehemaya 11

¹Asakiephana isun rẹ ihwo na ke Jerusalẹm edia, ihwo ri chekọ de mu itẹ re a reyọ ohwo ọvo vwẹ usun rẹ ihwe na rọ rhe dia Jerusalẹm orere ọfuanfon na, rere irhiri ri chekọ rha dia irho efa.

²Ihwo na da nẹ ẹrhovwo ke ihwo re rhọvwere ne ayen dia Jerusalẹm.

³Enana ke eye ehọnvwọre rẹ ubrakpọ re dia evun ri Jerusalẹm, ẹkẹvuọvo vwe irho ri Juda kohwo kohwo da dia otọ rọye vwe evun irho rayen Izrẹl, irherẹn na, ihwo ri Livae, idibo rẹ uwevwi rẹ Ọghẹnẹ na, kugbe uvwiẹ re idibo ri Solomọn.

⁴Usun re emọ ri Juda evọ kugbe emọ ri Bẹnjamin da dia evun ri Jerusalẹm. Vwẹ usun re emọ ri Juda: Ataya ọmọ rẹ Uzaya, ọmọ ri Zakaraya, ọmọ re Amaraya, ọmọ ri Shefataya, ọmọ ri Mahalalẹl, re emọ ri Pẹrẹz,

⁵kugbe Maaseiya ọmọ ri Barọk, ọmọ rẹ Kolhozeh, ọmọ ri Hazaya, ọmọ ri Adaiya, ọmọ ri Joarib, ọmọ ri Zekaraya, ọmọ ri Shilo.

⁶Emọ ri Pẹrẹz ejobi re dia Jerusalẹm da dia eshare ujori ẹne gbẹ ujorha gbẹ ẹrenre re gan oma.

⁷Enana ke eye emọ ri Bẹnjamin: Salu ọmọ ri Meshulam, ọmọ ri Joẹd, ọmọ ri Pedaya, ọmọ ri Kolaya, ọmọ ri Maaseiya, ọmọ re Itiel, ọmọ ri Jeshaiya.

⁸Ọ rọ vwọ kpahọ ki Gabai, Salai, ujori irhiri kugbe uje gbẹ ẹrenre.

⁹Joẹl ọmọ ri Zikri kọye ri ni ayen, kugbe Juda ọmọ ri Hasenua kọye ohwo rivẹ ro suẹn orere na.

¹⁰Vwẹ usun re irherẹn na Jedaya ọmọ ri Joiarib, Jakin,

¹¹Seraya ọmọ ri Hilkaya, ọmọ ri Meshulam, ọmọ ri Zakọk, ọmọ ri Meraiot, ọmọ ri Ahitọh, osun re uwevwi rẹ Ọghẹnẹ,

¹²kugbe imoni rayen ri ru iruo rẹ uwevwi na, ujori ẹrenre kugbe uje gbẹ ivẹ; kugbe Adaya ọmọ ri Jeroham, ọmọ ri Palalaya, ọmọ ri Amzi, ọmọ ri Zekaraya, ọmọ ri Pashọ, ọmọ ri Malkija,

¹³kugbe imoni rọye, igbuyovwi rẹ iwevwi re esẹ na, ujori ivẹ kugbe ujuvẹ gbẹ ive; kugbe Amashsai, ọmọ re Azarẹl, ọmọ rẹ Ahzai, ọmọ ri Meshilemọt, ọmọ rẹ Ima,

¹⁴kugbe imoni rayen, egba rẹ ihwo gangan, ujori gbẹ uje gbẹ ẹrenre; ohwo ro ni ayen kẹ Zabdiẹl omo ri Hagedolim.

¹⁵Vwẹ emọ ri Livae: Shemaya ọmọ ri Hashọb, ọmọ re Azrikam, ọmọ ri Hashabia, ọmọ ri Buni;

¹⁶kugbe Shabetai kugbe Jọzabad, re ọhọnvwore re ihwo ri Livae, ro ne iruo re obo uphẹnphẹn rẹ uwevwi rẹ Ọghẹnẹ;

¹⁷kugbe Matanya omo ri Mika, ọmọ ri Zabdi, ọmọ re Asaf, ọye osun ro mu ẹkpẹvwẹ phihọ vwẹ ẹrhovwo, kugbe Bakbukia, ọrivẹ vwẹ usun re imoni rọye; kugbe Abda ọmọ ri Shamua, ọmọ ri Galal, ọmọ ri Jẹdutọn.

¹⁸Ihwo ri Livae ejobi re hẹ orere ọfuanfon na da dia ujori ivẹ kugbe ujọne gbẹ ẹne.

¹⁹Erhẹrẹchẹ na, Akub, Talmọn, kugbe imoni rayen, re rhẹre anurhoro na, da dia ujori ọvo kugbe ujorha gbẹ ihwivẹ.

²⁰Izrẹl ri chekọ, kugbe irherẹn na kugbe ihwo ri Livae na, da hẹ evun rẹ irho ri Juda ejobi, dohwo devun re uku rọye.

²¹Ẹkẹvuọvo idibo rẹ uwevwi rẹ Ọghẹnẹ ke Ofel edia; Ziha kugbe Gishpa ke eye rhe suẹn idibo re uwevwi re Ọghẹnẹ na.

²²Ọ ro nẹ ihwo ri Livae vwi Jerusalẹm na ke rha Uzi ọmọ ri Bani, ọmọ ri Hashabia, ọmọ ri Matanaya, ọmọ ri Mika, vwẹ emọ rẹ Asaf, re ibuine na, vwẹ iruo re uwevwi rẹ Ọghẹnẹ.

²³Kidie ovie ji urhi ọvo kpahe ayen, kugbe uchunu rẹ emuọre ra ghare kẹ ayen, kirobo re ẹdẹ ọvuọvo guonọre.

²⁴Petahia ọmọ ri Mẹshe-zabẹl, re emọ ri Zera ọmọ ri Juda, da hẹ obọ re ovie vwe oma re eta ejobi kpahe ihwo na.

²⁵Vwọ kpahe ẹko na, vẹ udju rayen, ihwo rẹ Juda ẹvo dia Kiriatarba vẹ ẹko rọye, kugbe Dibon ve ẹko rọye, kugbe Jekabzeel vẹ ẹko rọye,

²⁶kugbe Jeshua vẹ Molada kugbe Bẹtpẹlẹt,

²⁷vwi Hazashual, vwi Bẹẹrsheba ve ẹko rọye,

²⁸vwi Ziklag, vwi Mekona kugbe ẹko rọye,

²⁹vwi Enrimon, vwi Zora, vwi Jarmut,

³⁰Zanoa, Adulam, ve ẹkpo ri Lakish ve udju rọye, kugbe Azeka ve ẹkpo rọye. Ọtiọye na ayen de mu erhọn nẹ Bẹẹrsheba re te iyara ri Hinọm.

³¹Ihwo ri Bẹnjamin da dia ne Geba kpo obaro, vwi Mikmash, Aija, Bẹtẹl kugbe ekọ rọye.

³²Anatọt, Nọb, Ananaya,

³³Hazo, Rama, Gitaim,

³⁴Hadid, Zeboim, Neballat,

³⁵Lod, kugbe Ono, iyara re ihwo ri ruẹ ọna.

³⁶Ebru ọvo vwẹ ihwo ri Livae vwi Juda da vwẹ oma ba Bẹnjamin.