Read urhobo Ẹsta 7 Bible Online

Ẹsta 7 - urhobo bible

Ẹsta 7

¹Etiyin ovie na vi Heman de kpo emuẹriọ na, ayen vẹ Ẹsta.

²Ẹdẹ rivẹ re, rẹ ayen vwọ da udi na, ovie na da rhoma ta kẹ Ẹsta, Die wọ nọre, Ẹsta aye rẹ ovie? A rhọvwe phihọ kẹ wẹ. Die wọ guọnọre? Re te abavo rẹ uvie mẹ na, e ruo gba.

³Etiyin Ẹsta rẹ aye rẹ ovie da kpahe, Me da ghene mrẹ ẹroesiri wẹn, E ovie, o de ghini je ovie, jẹn a vwẹ arho mẹ kẹ vwẹ, oyara mẹ ọ na vẹ ọ rẹ ihwo mẹ.

⁴Fikiridie a shẹ avwanre, Mẹvwẹ vẹ ihwo mẹ, re a ghwọrọ, re e hwe ayen, re e phoro ayen nu. O dianẹ kẹ eviẹn ọvo a shẹ avwanre ra, te eshare te eya, mane me fọre, fikiridie ukpokpogho rẹ avwanre e se vwo dje obo re cha ghwọrọ nẹ ovie obọ-ọ.

⁵Etiyin Ovie Ahasuerus da ta kẹ Ẹsta re aye rẹ ovie, Ono ohwo na, tivọ ọ epha rọ guọnọ emu nana ruẹ?

⁶Etiyin Ẹsta da ta, Ọvweghrẹn vẹ ukọ na! Ona Heman ovwọko na, Etiyin oshọ de rhi mu Heman vwẹ obaro rẹ ovie vẹ aye rẹ ovie.

⁷Ovie na de vrẹn nẹ udemu na vẹ ivuemiovwo o de kpo ogba rẹ uwevwi rẹ ovie na, ẹkẹvuọvo Heman de mudia rọ rẹ Ẹsta aye rẹ ovie kpahe arhọ rọye, fikiridie ọ mrẹ vughe nẹ ovie roro emu omiomiovwi kpahe ọye.

⁸Ovie na de hirhe nẹ ogba rẹ uwevwi rọye na rhe asan rẹ ayen da da udi na, ri Heman vwo she teye agbara rẹ Ẹsta tidia, etiyin ovie da ta, Kọ je ghwa họnra aye rẹ ovie vwẹ irharo mẹ rhe, vwẹ uwevwi rẹ obọ mẹ na. Rẹ eta na ghwe vwo nẹ unu rẹ ovie cha, ayen de rhurhu opharo ri Heman.

⁹Etiyin Habona, ọvo vwẹ oghwara na ro mudia kẹrẹ ovie na da ta, Ọ rọ marho Heman kpahe ẹtan phihọ otọ hẹrhẹ Modekai, ọ rẹ ota rọye sivwi ovie na, ọ kpaherọ phene-phene phihọ uwevwi ri Heman, cubit ujuvẹ gbẹ ihwe okpenu te.

¹⁰Etiyin ovie na da ta, churo si vwẹ enu rọye. Etiyin e de churu Heman si vwẹ enu rẹ ẹtan rọ kpahe hẹrhẹ Modekai na Ivuemiovwo rẹ ovie na de kpotọ.