Read urhobo Ẹyano 5 Bible Online

Ẹyano 5 - urhobo bible

Ẹyano 5

¹Ukuko rọye Mosis vẹ Erọn de bru Fero, ayen da vuẹ nẹ, E nẹ Ọrovwohwo, Ọghẹnẹ rẹ Izrẹl tare, Jẹn ihwo mẹ kpo rere ayen ra re orẹ kẹ vwẹ vwẹ evun rẹ aton na.

²Ẹkẹvuọvo Fẹro da ta, Ono Ọrovwohwo na, re me kerhọ rọye ri mi vwo jẹn Izrẹl kpo? Me riẹn Ọrovwohwo naa, ọrọ marho mi che jẹn Izrẹl kpoo.

³Etiyin ayen da ta, “Ọghẹnẹ rẹ ihwo rẹ Hibru ga na rhe vwẹ oma phia kẹ avwanre re. Biko jẹn avwanre kpo, me rẹ wẹ, oyan rẹ ẹdẹ erha kpo evun rẹ aton, re avwanre re ze izobo kẹ Ọrovwohwo Ọghẹnẹ rẹ avwanre; rere o je emiavwe e vwo mu avwanre, eyẹrẹ ọlọkọ e vwo hwe avwanre.”

⁴Ẹkẹvuọvo ovie rẹ Ijipti da ta kẹ Mosis vẹ Erọn, “Die we vwo si ihwo na nẹ ako rẹ iruo rayen? We kpo iruo rẹ ovwan.”

⁵Fẹro da ta, “Nighe, ihwo rẹ otọ na pha buebu vwẹ asakiephana ovwan keye nẹrhẹ ayen jẹn iruo rayen eruo na.”

⁶Vwẹ ẹdẹ ọvuọvo na Fẹro de ji urhi kẹ ilori rẹ iruo na vẹ isun rayen tanẹ,

⁷“Wa gbe vwẹ erhan kẹ ayen vwọ ma ikorekpẹn kirobo rẹ ayen ruẹ jovwoo, jẹn ayen ra guọnọ erhan kẹ oma rayen.

⁸Ẹkẹvuọvo uche unu rẹ ikorekpẹn rayen ma jovwo ọye wọ je vwọ kẹ ayen: we siẹ emerha no kẹ ayeen; kidie ayen gbe ufeti; kọye sorọ rẹ ayen vwo viẹ, tanẹ, ‘Jẹn avwanre kpo re ze izobo kẹ Ọghẹnẹ rẹ avwanre.’

⁹Jẹn a vwẹ iruo ọgagan vwọ kẹ ihwo nana re ayen ru, rere ayen jẹ eta rẹ efan enene.”

¹⁰Etiyin ilori rẹ iruo na vẹ ihwo ri suẹn ayen da ra ta kẹ ihwo na, “E nẹ Fẹro tare, ‘Me gbe kẹ ovwan erhaan.

¹¹Wa yanran ra guọnọ erhan kẹ oma rẹ ovwan vwẹ asan kasan rọ epha ejobi: yẹ e che siẹ nẹ iruo rẹ ovwaan.

¹²Ọtiọye na ihwo da hra wan otọ rẹ Ijipti na ejobi, rere ayen ra guọnọ erhan vwọ ma ikorekpẹn.

¹³Ilori rẹ iruo na kẹ kpakpa ayen, tanẹ, “Ru iruo rẹ ovwan na gba, iruo rẹ ẹdọke na, kerẹ ọke rẹ erhan vwọ herọ.

¹⁴Etiyin iruiruo re ghwẹ ihwo re Izrẹl vwo ru iruo na, rẹ Fẹro vwo mu kẹ ayen na, de hwe ayen, e da nọ ayen nẹ, “Die ovwan vwo jẹ ikorekpẹn rẹ ovwan ẹ ma gba, kirobo rẹ ovwan ruẹ vwẹ ẹdọke jovwo?

¹⁵Isun re vwẹ ihwo rẹ Izrẹl ruẹ iruo na de re vwerhoma kẹ Fẹro, tanẹ, “Die wo vwo ru idibo wẹn emu ọtiọna?

¹⁶A vwẹ erhan vwọ kẹ idibo wẹẹn, yẹ ayen ta kẹ avwanre nẹ, ‘Ma ikorekpẹn wẹn gba.’ Nighe, e hwe idibo wẹn; ẹkẹvuọvo ota na ọ hẹ obọ rẹ ihwo wẹn.”

¹⁷Ẹkẹvuọvo ọ da kpahe kẹ ayen, “Ovwan gbẹ ufeti, kọye ovwan vwọ tanẹ, ‘Jẹn avwanre kpo re ze izobo kẹ Ọrovwohwo.’

¹⁸Wa yanran ọke nana, we re ru iruo, kidie a cha vwẹ erhan kẹ ovwa-an, je gba uche rẹ ikorekpẹn re bru kẹ ovwan we ru ayen.

¹⁹Isun rẹ ihwo rẹ Izrẹl na da mrẹ nẹ ayen ro okpetu, vwẹ ọke rẹ ayen vwọ ta kẹ ayen nẹ, ‘E che siẹ nẹ unu rẹ ikorekpẹn rọ ma vwẹ edọkẹẹ.”

²⁰Rẹ ayen vwo nẹ obo rẹ Fẹro cha, ayen da vwa Mosis vẹ Erọn re hẹrhẹ ayen.

²¹Ayen da ta kẹ Mosis vẹ Erọn, “Ejẹ Ọrovwohwo ni ovwan ro brorhiẹ, kidie wo ru avwanre vwọ dia ihwo ebrabra vwẹ obọ rẹ Fẹro vẹ idibo rọye, we de phi ọlọkọ phiyọ obọ nẹ o vwo hwe avwanre.

²²Etiyin Mosis de hirhe opharo ku Ọrovwohwo, ọ da ta, “E Ọrovwohwo, die wo vwo ru emu omiomiovwi nana kẹ ihwo na? Die nẹrhe wo ju vwe?

²³Kidie nẹ ọke ri mi vwo bru Fẹro rhe rhe ta ota kẹ vwẹ odẹ wẹn, ko ruẹ emu omiomiovwi kẹ ihwo nana, yi wo ji sivwi ihwo wẹn na kakaka.’’