Read urhobo Job 13 Bible Online

Job 13 - urhobo bible

Job 13

¹No, ẹro mẹ mrẹ enana ejobi re, erhọn mẹ nyori mi de vughe.

²Obo ru wọ riẹnre, ọye me je riẹn, mi rhe kpotọ nọ wẹ-ẹ.

³Ẹkẹvuọvo mane me ta ota kẹ Ọrovwoẹgba na, me guọnọre nẹ me vẹ Ọghẹnẹ phraphro rẹ ẹdjọ mẹ na.

⁴Vwọ kẹ ovwan, ovwan vwẹ efian ghworo, ovwan ejobi na kẹ idiẹbo rẹ efian.

⁵Mane ku we fotovwi vwenẹ, mane kọye a dia aghwanre kẹ ovwan!

⁶Asaklephana nyo obo ri mi roro, gba kerhọn rẹ ẹdjọ rẹ unu mẹ.

⁷Wọ vwẹ efian ta ota kẹ Ọghẹnẹ, gbinẹ ọphiẹnvwẹ wọ vwọ ta kẹ?

⁸Wọ reyọ abọvo vwo nẹ, wo gu ẹdjọ rẹ Ọghẹnẹ kẹ?

⁹Ko yovwi kẹ wẹ vwẹ ọke rọ da guọnọ owẹ phia? Gbinẹ wọ sa phiẹn, kirobo rẹ ohwo phiẹn ohwo?

¹⁰Omuẹro o cha ghwọ ku we ọ da dianẹ wọ vwẹ abọvo nẹ vwẹ odjahọ.

¹¹Ọrho rọye rhe mu we oshọ-ọ, uguegue rọye rhe shenyẹ wẹ-ẹ?

¹²Itẹ wẹn na de họhọ iwurhie diodi, ochọẹchọ wẹn na e họhọ ọphiẹn ghevweghe.

¹³We jọ fọ kẹ vwẹ, re me ta ota, rere obo ri dori o do.

¹⁴Gbe ako mẹ phihọ uvwo mẹ, ri mi phi arhọ mẹ phihọ ọbo mẹ.

¹⁵Nighe, o che hwe vwe ghwu, mi gbi vwo iphiẹrohọ-ọ dede na mi mudia gu ẹkunu mẹ kẹ nyo.

¹⁶Ọna kọye cha dia esivwo mẹ, nẹ ọ rọ riẹn Ọghẹnẹ-ẹ sa cha obaro rọye-e.

¹⁷Nabọ kerhọn rẹ eta mẹ na, rere wo nyo obo re me ta.

¹⁸Nighe, me rhuẹrẹ ẹdjọ mẹ phihọ nure; me riẹnre nẹ me cha re ase.

¹⁹Ono etiyin ro che nene uvwe pharhe? kẹsiẹye mi ki rhurhu unu ghwu.

²⁰Emu ivẹ ọvo, wọ rhovwe kẹ vwẹ, mi gbi sioma mẹ nu kẹ wẹ-ẹ;

²¹si obọ wẹn nu vwe sheshri, wo jẹ uguegue wẹn mu vwẹ-ẹ.

²²Gbe se, ki mi che nyo, eyẹ gbe ju vwe ta, re wọ kpahe kẹ vwẹ.

²³Mavọ orukuruku vẹ imwemwu mẹ bute? Ju vwe riẹn ogbeku mẹ vẹ umwemwu mẹ.

²⁴Die sorọ wo vwo si opharo wẹn nu, ru wo vwo kerẹ uvwe phihọ ovweghrẹ wẹn?

²⁵Wo guegue ẹbe rẹ odju muẹ ru vwọ tua iphopho ọyaya?

²⁶Kidie wo si obo re yara kpahe ovwẹ, wo de ru vwe vwo riuku rẹ orukuruku rẹ ọkiemọ mẹ.

²⁷Wẹ ri phi awọ mẹ phihọ igoni, wẹ re je rhẹrẹ idjerhe mẹ ejobi; wẹ ri jẹ ughwru kẹ ẹhẹrhawọ mẹ.

²⁸Ohwo de ghwọrọ kuẹfia kerẹ emu ogbegbọ, kerẹ ewun rẹ eghwọghwọ renre.