Read urhobo Job 18 Bible Online

Job 18 - urhobo bible

Job 18

¹Etiyin Bildad ri Shu da kpahe

²Mavọ wọ bẹrẹ ibefi rẹ eta krite? Gbe roro, rere avwanre ke ma ta ota.

³Die wọ vwọ vwẹ avwanre vwo roro ichuru? Die avwanre vwọ dia ẹkpa vwẹ aro wẹn?

⁴Wẹ rọ wẹn omobọ wẹn oma vwẹ ophu wẹn na, a gba siẹn akpọ na fiki wẹn, eyẹ eghwiẹ oragha na nẹ ẹdia rọye.

⁵Uyota, e fuẹ urhukpẹ rẹ oruimwemwu na, ẹla rẹ erhanre rọye gbi lo-o.

⁶Urhukpẹ na mu ebri vwẹ utughẹ rọye, urhukpẹ rọ hẹ enu rọye furu.

⁷E ru ichihi egangan rọye na krẹ iroro robọ rọye ọvo muro brotọ.

⁸Kidie awọ rọye ọvo vwi ru mu ufi, ọ yan ruẹ uyere.

⁹Ufi de fru uchukowọ rọye, egbegbe muro.

¹⁰A kpahe ufi sinu hẹrhẹ vwẹ ovun rẹ otọ, a kpahe ufi phihọ idjerhe hẹrhẹ.

¹¹Uguegue muro vwi kabọ kabọ, ke vwọ tua.

¹²Ẹgba rọye kerẹ ohwo rẹ owẹvwe hweri, Okpetu a rhuẹrẹ phihọ kẹ ẹshẹ rọye.

¹³Emiavwe da rhaphiẹ ohọroma rọye, ọmọkpako rẹ ughwu da rhaphiẹ abọ vẹ awọ rọye.

¹⁴A da bẹrẹ nẹ utughẹ rọ vwẹ ẹro so, e de muo vwo rhẹ ovie rẹ uguegue.

¹⁵Obo re hẹ utughẹ rọye na ọvuọvo dia ọrọye-e; osio rẹ erhanre da rhe rhọ phihọ ẹdia rọye.

¹⁶Awọ rọye yamu vwẹ obotọ, eghọn rọye da ya vwẹ obenu.

¹⁷E phoro ekarohọ rọye nẹ akpọ na, o gbi vwo odẹ vwẹ urhuvwu-u.

¹⁸A djẹrẹ nẹ urhukpẹ ra ro ebri, a djẹrẹ nẹ akpọ na.

¹⁹O vwo ọmọ eyẹ uvwiẹ vwẹ ohri rẹ ihwo rọye-e, ohwo ro ghwu chekọ gbe hẹ asan rọ dia jovwo-o.

²⁰Ayen ihwo re hẹ obuko ọnre ofu dje ayen vwẹ ẹdẹ rọye, uguegue de mu ayen ihwo re hẹ obaro ọnre.

²¹Uyota ọtiọye ẹdia rẹ ihwumwemwu epha, ọtiọye asan rẹ ohwo rọ riẹn Ọghẹnẹ-ẹ epha.