Read urhobo Job 23 Bible Online

Job 23 - urhobo bible

Job 23

¹Etiyin Job da kpahe:

²Nonẹ na iguegu mẹ kọ yara, me viẹ dede na yẹ obọ rọye họhọ kẹ vwẹ

³E, mane ke me riẹn asan re me da guọnọ mrẹ vwonẹ, ri mi de te asan rọ tidia phihọ dẹn!

⁴Ki mi gu ẹdjọ mẹ kẹ ke me ghwẹ unu mẹ vọn vẹ aphrọ.

⁵Ki mi yono obo rọ cha kpahe kẹ vwẹ, ke me riẹn obo rọ cha ta kẹ vwẹ.

⁶Kọ vwẹ ọrho rẹ ẹgba rọye na nene uvwe họnre? Ẹjo, ọ cha kerhọ mẹ.

⁷Etiyin ohwo uyota vẹ ọye da jẹ iroro, obrorhiẹn mẹ ko bru orhiẹn kẹ vwẹ bẹdẹ

⁸Nighe, me yan kpo obaro, ẹkẹvuọvo yọ hẹ etiyi-in; me yan kpo uko, ẹkẹvuọvo mi se vughe-e;

⁹me guonerọ vwẹ obọhwẹre, ẹkẹvuọvo me sa mrẹ-ẹ; me rhẹriẹ oma kpo obọrhe, ẹkẹvuọvo me sa mrẹ-ẹ.

¹⁰Ẹkẹvuọvo ọ riẹn idjerhe re me wanre, ọke rọ vwọ davwe ovwẹ ni, ke me cha va phia kerẹ oro.

¹¹Owọ mẹ tamu ichihi rọye kokoroko, mi churu obọ mu idjerhe rọye mi bioma no-o.

¹²Mi ji siobọ nẹ urhi ro nẹ unu rọye rhe-e, me sẹro rẹ eta rẹ unu rọye vwẹ evun mẹ

¹³Ẹkẹvuọvo ọ rhẹriẹ-ẹ ono ri se kuo rhẹriẹ? Obo ri jere ọye o ruẹ.

¹⁴Obo rọ ta phihọ otọ kẹ vwẹ na o che ruo gba; oghẹre rẹ imu etieye na hẹ evun rẹ udu rọye.

¹⁵Ọtiọye na oshọ vwo mu vwẹ vwẹ obaro rọye; ọke mi de roro, udu rọye ko bru vwe.

¹⁶Ọghẹnẹ nẹrhe oma rhọvwẹ; Ọrovwoẹgba vwẹ oshọ mu vwe,

¹⁷Kidie ebri gba ogba yariẹ ovwẹ phihọ okuku hwi rhurhu opharo mẹ.