Read urhobo Job 29 Bible Online

Job 29 - urhobo bible

Job 29

¹Job da rhoma mu ikun rọye phihọ, ọ da ta:

²E, mane me dia kerẹ emeranvwe rẹ awanre, kerẹ ọke rẹ Ọghẹnẹ vwọ rhẹrẹ ọvwe ye,

³rẹ urhukpẹ rọye vwo lo vwẹ enu rẹ uyovwi mẹ ye, re me da vwẹ urhukpẹ rọye wan ebri na vrẹn;

⁴kirobo rọ epha vwẹ ọke rẹ ọrhọ, rẹ Ọghẹnẹ da vwẹ ugbeyan mu utughẹ mẹ.

⁵Ọke rẹ Ọrovwoẹgba na vẹ ovwẹ vwọ herọ, rẹ emọ mẹ vwọ yariẹ ovwẹ phihọ.

⁶Ọke ra vwọ vwẹ ameivie hworhẹ ichiotọ mẹ, rẹ oragha na da djẹ ọkẹre rẹ evwri kẹ vwẹ!

⁷Ọke mi vwo kpo ughere rẹ orere na, ri mi de mu ayan phihọ ọsuere,

⁸imighele na mrẹ vwẹ e da djẹ, ekpako na de vrẹn mudia;

⁹isun na gbe ta ota-a, ayen da vwẹ obọ di unu rayen.

¹⁰Urhuru rẹ ehọnvwọre na de fue, ẹrẹnvwe rayen da tamu obenu rẹ unu rayen.

¹¹Ọke rẹ orhọn vwo nyo, o de se vwe ọ re bruba kẹ, ọke rẹ ẹro vwọ mrẹ, o da rhọvwe phihọ;

¹²fikiridie mi sivwi ọvwiogbere ro kperi, vẹ ọmọphrorivwi ro vwo ọchuko-o.

¹³Ebruba rẹ ohwo rọ cha ghwọrọ de bru vwe rhe, me da nẹrhẹ udu rẹ ayeuku so une rẹ aghọghọ.

¹⁴Mi de ku ọvwata phihọ, ọ de rhuọ vwe; orhiebro mẹ da họhọ adagha vẹ erhu.

¹⁵Me da dia ibiẹro kẹ irhuẹro, awọ kẹ ikpono.

¹⁶Mẹvwẹ kẹ ọsẹ kẹ ovwiogbere na, me da guọnọ otọ rẹ ohwo re me riẹnre-e.

¹⁷Me da guọghọ ibiako rẹ oruimwemwu na, me da sanvwẹ eranvwe ro muru nẹ ako rọye.

¹⁸Etiyin mi de roro nẹ, mi che ghwu phihọ ẹho mẹ, mi che ru ẹdẹ mẹ buẹ kerẹ ehavwo.

¹⁹Awọ mẹ da tan re fiẹ ame, Irho de rho ku eghọn mẹ vwẹ ason na ejobi.

²⁰Erhuvwu mẹ da nẹrhẹ ovwẹ dia ọkpokpọ, umurhabọ mẹ je hẹ ọkpokpo vwẹ obọ mẹ.

²¹Ihwo kerhọn mẹ, ayen da hẹrhẹ, ayen de fotovwi kẹ iroro mẹ.

²²Re me vwọ ta nu ayen rha ta ota ọfa-a, ota mẹ de ghwe shenyẹ ayen.

²³Ayen ke hẹrhẹ ovwẹ kerẹsiẹ ra hẹrhẹ osio; ayen de rhie unu rayen phihọ hẹrhẹ osio rẹ ọkeuvo.

²⁴Me da hwẹ kẹ ayen vwẹ ọke rẹ ayen gbi vwo ẹro-ẹvwọsuọ-ọ urhukpẹ rẹ opharo mẹ na ayen se fuo-o.

²⁵Me da jẹ idjerhe rayen, mi de tidia kerẹ ọhọnvwọre, me da dia kerẹ ovie rọ hẹ ohri rẹ otufovwi rọye; kerẹ ohwo ro bru otu ri muomahọ uche.