Read urhobo Job 35 Bible Online

Job 35 - urhobo bible

Job 35

²Wo rori nẹ ọnana ọvwata? Wọ tanẹ, Ọna ẹken mẹ vwẹ obaro rẹ Ọghẹnẹ,

³ru wọ vwọ nọ nẹ, didi erere yi te vwe? Mavọ mi vwo yovwi nọ ọke mi vwo ru umwemwu?

⁴Me kpahe kẹ wẹ vẹ igbeyan wẹn re vẹ owẹ gba herọ na.

⁵Gbe ni odjivwu na, re wọ mrẹ; ji ni irharheghe na, ri kpenu nọ wẹ na.

⁶Ọ da dianẹ wọ ru umwemwu, kidie wo ru kpahọ? Ọ da dianẹ ogbeku wẹn pha buebu, kidie wo ru kẹ?

⁷Wọ da dia ọvwata, kidie wọ kẹ rẹ, eyẹ kidie ọ reyọre vwẹ obọ wẹn?

⁸Umwemwu wẹn kpahe ohwo kerẹ owẹwẹ na, ọvwata wẹn kerẹ ọmọ rẹ ohwo.

⁹Fiki rẹ oshenyẹ buebu na kọye ihwo vwo kperẹ na; ayen kperẹ se ọchuko fiki rẹ ugbobọ rẹ ogba na.

¹⁰Ẹkẹvuọvo o vwo ohwo ọvuọvo rọ tare nẹ, Tivọ Ọghẹnẹ rọ Ma vwẹ epha, ọ rọ vwẹ une kẹ ohwo sun vwẹ ason na,

¹¹ohwo ro yono avwanre nọ eranvwe rẹ otọ na, rọ nẹrhẹ avwanre ghwanre nọ ephran rẹ enu na.

¹²Oboyi ayen de kperẹ, ẹkẹvuọvo o nyo kẹ aye-en, fiki rẹ eheri rẹ ihwo umwemwu.

¹³Uyota Ọghẹnẹ nyo ekperẹ ofefe-e, eyẹ Ọrovwoẹgba na je kerhọn rọye-e.

¹⁴Komavọ O ju we e nyo te ru wọ da ta nẹ wọ mrẹ-ẹ, nẹ ẹdjọ wẹn ọ hẹ obaro rọye, nu wọ je hẹrhẹ.

¹⁵Asakiephana, fiki rẹ obo rẹ ophu rọye rhe hwe-e na, rọ rha kerhọn rẹ ọyanchọ ganga-an na,

¹⁶Job de rhiẹ unu rọye vwẹ eta ifefe, ko di muẹ eta buebu ta, eta rọ riẹnre-e.