Read urhobo Job 4 Bible Online

Job 4 - urhobo bible

Job 4

¹Etiyin Elifaz rẹ ohwo rẹ Timan da kpahe:

²Ọ da dianẹ ohwo da ta ota kẹ wẹ, kẹ ophu mu we? Dede na kono se chirako rẹ ota?

³Nighe, wo yono ihwo buebu, wọ da vwẹ ogangan kẹ abọ re lọhọre.

⁴Eta wẹn mu ihwo re yẹghrẹ mudia, igbo rẹ oma rhọ wo ru ayen gan.

⁵Ẹkẹvuọvo asakiephana o te we oma re, wo gbi se chirako-o, ọ vwẹ obọ te we, ofu de dje we.

⁶O dia oshọ ẹdjẹ rẹ Ọghẹnẹ wọ vwẹ ẹro so, ọ dia ọvwata rẹ idjerhe wẹn ọye iphiẹrohọ wẹn?

⁷Nabọ roro te, ono ọvwata rọ ghwọrọ kufia dẹvure? Eyẹ tivọ a da nyavwẹ ohwo ọsoso kufia re?

⁸Kirobo me mrẹre, otu ri voro orukuruku re kọn okpetu, okpetu ọvo na i ji vuẹ.

⁹Ẹnwẹ rẹ Ọghẹnẹ ayen wan ghwọrọ, je vwi gidigidi rẹ ophu rọye ayen wan guọghọ.

¹⁰Edo rẹ okpohrokpo urhuru rẹ okpohrokpo rọ djoma, ibiako rẹ upene rẹ ikpohrokpo vwirhiri.

¹¹Owẹvwe hwe okpohrokpo ọgangan ghwu, emọ rẹ okpohrokpo rẹ aye na hrabọ.

¹²Asakiephana ota bẹbẹ bru vwe rhe, erhọn mẹ nyo ophiọrọ rọye.

¹³Vwẹ uherevie rẹ iroro rẹ evwerhẹ rẹ ason, rẹ okpovwerhẹ vwo mu ihwo,

¹⁴oshọ de mu vwe, ke me phariẹ ọ da nẹrhẹ ibeku mẹ ejobi kpogho.

¹⁵Erhi de kpono wan opharo mẹ; ẹton rẹ oma mẹ de vrẹn mudia.

¹⁶O de mudia tovwi, ẹkẹvuọvo mi se vughe ugboma rọye-e. Uhoho ọvo da hẹ obaro rẹ ibiẹro mẹ, asan ejobi da fọ riẹi, etiyin mi de nyo urhuru;

¹⁷ohwo ro ghwẹ sa dia ọvwata vwẹ obaro rẹ Ọghẹnẹ? ohwo sa fon vwẹ obaro rẹ ọro maro?

¹⁸Vwevwe rẹ idibo rọye na ọ sa vwẹ ẹro so aye-en, ọ je mrẹ oruchọ vwẹ obọ rẹ emakashe rọye;

¹⁹komavọ ọ epha kẹ otu re dia iwevwi re ọphiẹn, ra tọn uchivwo rọye phihọ evun re ubu, rẹ eghwọghwọ guọghọre nana nana.

²⁰Nẹ urhiọke re te ovwọnvwọn ye ayen ghwọrọ re, ayen ghwọrọ bẹdẹ ye a kerhọn raye-en.

²¹Ọ da dianẹ ufi rẹ utughẹ rayen yori vwẹ evun rayen, ayen gbei ghwu-u, re ayen da dia rhurhu?