Read urhobo Job 40 Bible Online

Job 40 - urhobo bible

Job 40

¹Ọrovwohwo da ta kẹ Job:

²Kẹ oduota sa guọnọ ota rẹ Ọrovwoẹgba na? Ohwo ro nene Ọghẹnẹ phraphro, gbe jẹn ọ kpahe kẹ.

³Etiyin Job da kpahe kẹ Ọrovwohwo:

⁴Nighe, mi fi emuọvo-o; Kidie me kpahe kẹ wẹ? me vwẹ obọ rhurhu unu mẹ.

⁵Me ta ota obọvo nure, me gbe cha kpahe-e, asiava, ẹkẹvuọvo mi gbi rhie unu ọfa-a.

⁶Etiyin Ọrovwohwo da kpahe kẹ Job nẹ evun rẹ aphopho na rhe:

⁷Chobiẹ amwa wẹn kerẹ ọshare, me cha nọ wẹ orhiẹn, ku wọ ta kẹ vwẹ.

⁸Ku wọ ta kẹ vwẹ obo ri mi ru chọ? Ku wo brorhiẹ hwe vwe ru wọ vwọ re ase?

⁹Wo vwo eghwabọ kerẹ Ọghẹnẹ, urhuru wẹn sa van aghrara kerẹ ọrọye?

¹⁰Gba vwẹ ọrho vẹ ọghọ vwo rhuo oma wẹn, vwẹ urinrin vẹ erhuvwu vwo rhuo oma wẹn.

¹¹Gbe ku ophu wẹn kuotọ, ni ohwo kohwo rọ herẹ, re wo vwo kpotọ.

¹²Ni ohwo kohwo ro herẹ, ri wo vwo gbe otọ, re wo chiyi ohwo umwemwu muotọ vwẹ asan ro mudia phihọ.

¹³Si ayen ejobi nu vwẹ evun rẹ iwurhie; bọvwọ epharo rayen rhuotọ.

¹⁴Etiyin ke me rhọvwe kẹ wẹ, nẹ ogangan rẹ obọ wẹn wọ vwọ kparobọ.

¹⁵Nighe, Bẹhemọt, re me mare kerẹ owẹ na, ọ rọ ria odi kerẹ erhuẹn.

¹⁶Nighe, ogangan rọye ọ hẹ ehun rọye, ẹgba rọye ọ hẹ iriẹn rẹ evun rọye.

¹⁷O de ru urhurhu rọye gan kerẹ igedu, iriẹn rẹ ekpoghowọ rọye da tan kugbe.

¹⁸Ibekun rọye de vwo uphrophro kerẹ odje, awọ rọye kerẹ egba rẹ utehru.

¹⁹Ọye iruo rẹ ẹsosuọ rẹ Ọghẹnẹ; gbe jẹn ọ rọ marọ si oda rọye kẹro oma!

²⁰Kidie igbenu na vwẹ emuọre kẹ re asan rẹ eranvwe rẹ aghwa da ha eha.

²¹Vwẹ otọ rẹ itu o shevwerhẹ phihọ, vwẹ otọ rẹ ẹgo vwẹ evun rẹ ibehre.

²²Kidie ophie rẹ itu na ri rhurhuro, irhe rẹ oma rẹ ame na riarierẹ phihọ.

²³Nighere, urhie da họnra oshọ muo-o, udu rọye koi ọ da dianẹ ọkere ri Jọdan djẹ ro unu rọye.

²⁴Kẹ ohwo ọvo sa vwẹ oghọre Muo, eyẹ e churu ugodo phihọ unwe rọye?