Read urhobo Job 41 Bible Online

Job 41 - urhobo bible

Job 41

¹Ku wọ sa vwẹ oghọre si eniame, eyẹ wọ sa vwẹ ufi nyẹ ẹrẹnvwe rọye kpotọ?

²Wo se we ufi phihọ unwe rọye, eyẹ sa vwẹ oghọre sa egban rọye?

³Kọ sa yare emu buebu mie we? kọ sa ta ota ọbọbọrọ kẹ wẹ?

⁴Kọ vẹ owẹ sa re ọphọ rere wo vwo ru odibo bẹvwẹdẹ?

⁵Ku wọ sa vwọ ha eha kerẹ ọmọphran, ku wo kuo phihọ kerẹ ọghrọnrọn vwọ kẹ emetẹ wẹn?

⁶Kẹ ineki na cho eki rọye? ka gharọ krẹkrẹ kẹ ineki na?

⁷Ku wọ sa vwẹ oharhe phi ohọrọ rọye fi, eyẹ ogbẹn vwo phi uyovwi rọye?

⁸Shabọ phihọ, roro ofovwi na, wo gbi rhe ruo ọfa-a!

⁹Nighe, obo rẹ ohwo phiẹro phihọ ọye re phiẹn, oma me ghwrọrọ vwẹ ọke rọ da kparo mrẹ.

¹⁰O vwo ohwo rọ djoma ro se yivwi vwẹ obọ kpogho-o, Kọye ono ri se mudia hirhe aro ku vwe?

¹¹Ono ri momo kẹ vwẹ, rọ ta nẹ me rhe hwa kẹ ọye? Obo re hẹ otọ rẹ odjuvwu ejobi e mẹ.

¹²Me che rhurhu unu fiki rẹ awọ rọye-e, eyẹ vwi fiki rẹ ẹgba rọye, eyẹ fiki rẹ erhuvwu rẹ ugboma rọye-e.

¹³Ono ri se ku ewun rẹ obenu no? Ono re sa rharhẹ uphrophro phihọ ewun rẹ utehru ọkpọkpan na?

¹⁴Ono ri se rhiẹ ẹchẹ rẹ opharo rọye? Uguegue riariẹ ibiako rọye phihọ.

¹⁵Ugbuko rọye urhie rẹ ekpọfia e vwo ruo, ọ da tamu kokoroko gbae.

¹⁶Ohwohwo si kerẹ ohwo gbae odju dede gbe sa wan uvwre raye-en.

¹⁷A tan ayen ohwohwo mu ohwo, ayen jẹn phihọ ohwohwo a gbe sa rhan aye-en.

¹⁸O da rhẹvwẹ orẹmrẹ ko no cha, ẹro rọye họhọ ibiẹrọ rẹ ọke ro rhie cha.

¹⁹Imwerhanre weiwei nẹ unu rọye cha; erhanre guvwie no cha.

²⁰Ivwirhi brẹ nẹ uphrophro rẹ unwe rọye cha, kerẹ itaso rọ họrhọ kugbe ekrẹbe rọ tua.

²¹A vwẹ ẹnwẹ rọye koko erhanre phihọ, erhanre me la nẹ unu rọye rhe.

²²Ohọre rọye etiyin ẹgba epha, uguegue ko gbeha cha vwẹ obaro rọye.

²³Ekpirhabọ rọye tan kugbe gbae, e tamu gbae nu a gbe sa kpare aye-en.

²⁴Udu rọye pha gangan kerẹ oragha, gangan kerẹ oragha ra vwọ nọ enanọ.

²⁵Ọke ro de vrẹn mudia osho ko muẹ egba na, ọ da van orhiọn rayen me ghwa rhan.

²⁶Owenẹ a vwẹ oda nyavwọ, ọ sa woma-a owenẹ ọ dia ubiri, ibigẹn, eyẹ oshuẹ.

²⁷Ọ vwẹ utehru roro eyareya, ẹrovwo kerẹ urhe ogbori.

²⁸Ubigẹn nẹrhẹ ọ djẹ-ẹ, olalọ ra sare họhọ ohẹbe kẹ.

²⁹Ọ vwẹ ọkọlọ roro ohẹbe; etue rẹ oshuẹ nẹrhẹ phihọ ehwe.

³⁰Obo evun rọye bẹrẹ ohwo kerẹ igbephẹre; Ọ me riẹn nene otọ kerẹ okọ re kpono wan ibehre.

³¹O ruẹ urhie na họrhọ kerẹ itaso, O ruẹ abadi na kerẹ itaso rẹ ori.

³²Urhiẹ ọvo lo wrowro nene vwẹ obuko, ka vwẹ urhiẹ na roro okpan rẹ iphughẹ.

³³A mrẹ obo re vwo dje vwẹ akpọ na-a, emama rọ djẹ ọshọ-ọ.

³⁴Ọ mrẹ emu kemu ejobi ro kpenu, ọye ovie vwẹ enu rẹ emọ ri herẹ ejobi.