Read urhobo Job 42 Bible Online

Job 42 - urhobo bible

Job 42

¹Etiyin Job da kpahe kẹ Ọrovwohwo:

²Me riẹnre nẹ wo se ru emu ejobi, o vwo ohwo ro se miovwi obo ru wo ruẹ-ẹ.

³Ọnana ono ri siẹ iroro nẹ yo vwo erianriẹ-ẹn? Fikirọtiọyẹ na obo re me riẹre-e kọye mi mu ta, Obo ri gbe vwe unu, re me riẹnre-e.

⁴Kerhọn, rere me ta; me nọ wẹ enanọ, re wọ ta kẹ vwẹ.

⁵Erhọn, diọdi mi vwo nyo we jovwo, ẹkẹvuọvo asakiephana ẹro mẹ mrẹ wẹ re.

⁶Ọtiọye na oma mẹ de tu vwe oma, mi de kurhẹriẹ broma phihọ otọ vẹ iwurhie.

⁷Ọke rẹ Ọrovwohwo vwọ ta eta nana kẹ Job nu, Ọrovwohwo da ta kẹ Elifaz rẹ ohwo rẹ Teman ophu wẹn mu vwe kugbe igbeyan wẹn ivẹ na; kidie wọ ta ota ro yovwiri kpahe ovwẹ, kirobo rẹ odibo mẹ Job epha-a.

⁸Asakiephana gba reyọ irhuẹn eshare ighwrẹ kugbe egbo ighwrẹ, re wo bru odibo mẹ Job, re wo re ze izobo kẹ oma wẹn izobo rẹ ẹtorhẹ, odibo mẹ Job kọ nẹ ẹrhovwo kẹ wẹ, kidie me reyọ ẹrhovwo mi gbi nenesi rẹ ugheghẹ wẹ-ẹn; kidie wọ ta ota oyoyovwi kpahe ovwẹ-ẹ, kirobo rẹ odibo mẹ Job ruru-u.

⁹Ọtiọye na Elifaz ohwo rẹ Teman kugbe Bildad ohwo rẹ Shu kugbe Zofa ohwo rẹ Naamat de re ru obo rẹ Ọrovwohwo ta kẹ ayen na; Ọrovwohwo da reyọ ẹrhovwo ri Job.

¹⁰Ọrovwohwo da rhoma reyọ ughwẹ rẹ Job vwọ kẹ, oke ro vwọ nẹ ẹrhovwo kẹ igbeyan rọye nu; Ọrovwohwo da rhoma vwọ kẹ Job ọhwọhwọ ivẹ nọ uche ro vwori jovwo.

¹¹Etiyin iniọvo rọye rẹ eshare ejobi kugbe emetẹ ejobi kugbe ihwo re riẹnre jovwo ejobi da rhoma bro rhe, ayen vẹ ọye da re kugbe vwẹ uwevwi rọye, ayen de vwerhe oma kẹ ayen de bro uche fiki rẹ ukpokpogho ejobi rẹ Ọrovwohwo vwọ kẹ, ayen ohwo ovuọvo da vwẹ igho kẹ kugbe isa rẹ oro.

¹²Ọrovwohwo de bruba ukuko rẹ akpo ri Job no ẹtuophihọ rọye; o de vwo igegede uriori ihwẹne, karmẹl uriori esan, ekru rẹ irhuẹn uriori, ekẹtẹkẹtẹ rẹ eya uriori.

¹³O da rhoma vwiẹ emeshare ighwrẹ kugbe emetẹ erha.

¹⁴O de se odẹ rẹ ọ rọ kpako Jemima, odẹ rẹ ọ rọ kpaherọ ki Kezaya; odẹ rẹ ọrerha ki Kẹrẹnhapuch.

¹⁵Vwẹ otọ na ejobi o vwo aye ọvuovo ro yovwi te emetẹ rẹ Jobu-u, ọsẹ rayen da gharẹ uku kẹ ayen vwẹ ohri rẹ iniọvo rayen.

¹⁶Rẹ ọnana vwọ wan nu, Job da rha dia akpo ikpe ujughwrẹ, ọ da mrẹ emọ rọye kugbe ivwrọmọ rẹ emọ rọye, uvwiẹ ẹne.

¹⁷Job de ghwu, ọ mare, rọ ghworo hẹrẹhẹrẹ.