Read urhobo Job 6 Bible Online

Job 6 - urhobo bible

Job 6

¹Etiyin Job da kpahe:

²E mane ka vwavwẹ ophu mẹ vwenẹ, re de mu okpetu mẹ ejobi phihọ ovwanvwọn!

³Mane ọ họhọ nọ ubu rẹ urhie; ọtiọye na eta mẹ ke pha gbaegbae.

⁴Kidie edada rẹ Ọrovwoẹgba chọrọ ovwẹ oma; erhi mẹ da da obi rayen; uguegue rẹ Ọghẹnẹ hwahọ hẹrhẹ ovwẹ.

⁵Ekẹtẹkẹtẹ rọ djoma se kperi yẹ ọ mrẹ odi ria? eyẹ kẹ erhuẹn ra viẹ vwẹ enu re emuọre rọye?

⁶Ka sa re emu ọphe re tuẹ ughweraka phihọ-ọ? Eyẹ avwerhe ghene herọ vwẹ ọfuanfon rẹ ukẹ rẹ ọhọ?

⁷Urhuru rẹ ẹriọ rayen se sivwe-e; e họhọ emu rọ lọhọ ovwe urhuru.

⁸E manẹ mi vwo obo me nọre vwọnẹ, rẹ Ọghẹnẹ da kẹ vwe obo re me guọnọre,

⁹ro de je Ọghẹnẹ nẹ ọguọghọ ovwẹ, rọ da vwẹ obọ rọye nyavwe ovwẹ kufia!

¹⁰Ọnana kọye dia uchebro mẹ, ke mia tobọ ghọghọ vwẹ evun rẹ ẹmiavwọ mẹ, kidie me ghwunu rẹ ota rẹ Ọfuanfon Ọvuọvo na-a.

¹¹Didi ogangan mi vwori, re me vwọ hẹrhẹ? Die ọye oba mẹ, ri mi vwo vwo odiri?

¹²Ogangan mẹ kẹ ogangan rẹ oragha, eyẹ uvwo mẹ kẹ ẹrovwo?

¹³Uyota mi vwo ọchuko vwẹ evun mẹ-ẹ, a djẹ idjerhe rẹ efe mẹ nẹ uvwe obọ.

¹⁴Ohwo rọ vwọrọn ugbeyan ahare, yọ siẹn oshẹdjẹ rẹ Ọrovwoẹgba.

¹⁵Imoni mẹ riodọvwe kerẹ ekpẹn rẹ ọkẹre fa koko, kerẹ ephiọ re djẹ wan,

¹⁶ri mu egho vẹ imicho, vwẹ asan rẹ imicho de sioma nu.

¹⁷Vwẹ ọke oheri ayen ke ranvwiẹ, ọke rẹ ọ da tuabọ ayen me ranvwiẹ nẹ ẹdia rayen.

¹⁸Usun rẹ eyoyan mi bioma he akako nẹ idjerhe rayen; ayen me yanran kpo aton ra ghwọrọ kufia.

¹⁹Usun rẹ eyoyon rẹ Tema de ni, eyoyan rẹ Shẹba phiẹrohọ.

²⁰A phiẹn ayen fikiridie o mu ayen ẹro; ayen te oboyi a da phọphọ ayen.

²¹Ọtiọye ovwan rhe dia kẹ vwẹ na, wa mrẹ ọkpetu mẹ, ọshọ de mu ovwan.

²²Me tare nẹ, e ru ẹse kẹvwẹ? Eyẹ, gba vwẹ efe wẹn jẹ udi kẹ vwẹ?

²³Eyẹ, gbe sivwi uvwe nẹ obọ rẹ ukọ na? Eyẹ, gba tavwẹ nẹ obọ rẹ ọ ro shenyẹ vwẹ?

²⁴Yono uvwe, re mi fotovwi, ju vwe riẹn obo ri mi ru chọ te.

²⁵Mavọ eta rẹ uyota vwo ẹgba te! kidie ẹghwọkuo wẹn sa rhuẹrẹ phihọ!

²⁶Wo rori nẹ wọ sa ghwọ ku eta, rẹ eta rẹ ohwo ro ghwrẹ na da họhọ odju?

²⁷Wa vwi fiki rẹ ọmọphrorivwi kpo ite, ru wa jẹ iroro rhurhu ugbeyan wẹn.

²⁸Ẹkẹvuọvo asakiephana, jo je we ri wo ni vwe; kidie me cha vwọrọ ofian kẹ wẹ-ẹ.

²⁹Biko, gba rhẹrioma, wo rhe je ruẹ oruchọ-ọ Rhẹrioma asakiephana, ase mẹ ọye a lagha na.

³⁰Oruchọ hẹ ẹrẹnvwe mẹ? Me gbe sa mrẹ okpetu vughe?