Read urhobo Une rẹ Ejiro 101 Bible Online

Une rẹ Ejiro 101 - urhobo bible

Une rẹ Ejiro 101

¹Me sa so une rẹ omaevwokpotọ ve ọsoso; wẹ, E Ọrovwohwo, Me so ine kẹ.

²Me vwẹ oma kpotọ kẹ idjerhe ro jẹ abe evwo. E ọkevọ wo vwo bru vwe rhe? Me yan vẹ evun ọfuanfon vwẹ udu. vwẹ evun rẹ uwevwi mẹ;

³Mi che se mu emu ọvuọvo phihọ obaro mẹ rọ pha farhiẹ farhiẹ-ẹ. Mi tuoma rẹ otu ri she kufia, ọ gbe cha gbane ovwẹ-ẹ.

⁴Evun ekuorhẹriẹ ko bi sheri nẹ uvwe oma; Me gbe riẹn emu omiomiovwi ọvuọvo-o.

⁵Ohwo rọ bẹbẹ gbe odẹ rẹ ọrivẹ rọye ku Ke me guọghọ. Ohwo rọ vẹ ẹro umwemwu vẹ udu re evwan Mi se chirako rọye-e.

⁶Me vwẹ ẹroesiri ni ihwo rẹ uyota mẹ re hẹ otọ na rere ayen vẹ ovwẹ sa dia, ọ rọ yan vwẹ idjerhe rẹ abe-e ko se gbe odibo kẹ vwẹ.

⁷O vwo ohwo ro yono ophiẹvwe rọ sa dia uwevwi mẹ-ẹ, o vwo ohwo rọ vwọrọ efian ro se mudia vwẹ obaro mẹ-ẹ.

⁸Kirhiọke kirhiọke me guọghọ ihwo umwemwu ejobi re dia otọ na, nyavwe ihwo miomiovwi ejobi nẹ orere rẹ Ọrovwohwo na.