Read urhobo Une rẹ Ejiro 112 Bible Online

Une rẹ Ejiro 112 - urhobo bible

Une rẹ Ejiro 112

¹Jiri Ọrovwohwo na! Ebruphihọ kẹ ohwo rọ dje oshọ rẹ Ọrovwohwo, ro vwo omavwerhe rhuarho kpahe irhi rọye.

²Emọ rọye ke dia egba vwẹ otọ na; uvwiẹ rẹ ihwo ọsoso ki vwo ebruba

³Efe kugbe igho hẹ evun rẹ uwevwi rọye; ọvwata rọye kọ dia rhiri bẹdẹ.

⁴Urhukpẹ la nẹ evun rẹ ebri rhe kẹ ohwo ọsoso, Ọrovwohwo vẹ ehrọre, arodọvwẹ, kugbe ọvwata.

⁵Oyovwi kẹ ohwo ro siobọ nẹ ro momo kẹ ihwo, ro ruẹ emu rọye ejobi ọsoso.

⁶Kidie e che se ghwie ọvwata bẹdẹ-ẹ, a karohọ rhiri bẹdẹ.

⁷Ọ djẹ oshọ rẹ ikun umwemwu-u; udu rọye pha koi, ọ vwẹ ẹro so Ọrovwohwo na.

⁸Udu rọye nabọ fọ, oshọ rhe se muo-o, bẹsiẹ rọ vwọ mrẹ ẹguọnọ rọye vwẹ enu rẹ ukọn rọye.

⁹O siobọ nẹ ọphọphẹ, ọ kẹ ivwiogbẹrẹ; ọvwata rọye dia rhiri bẹdẹ; a vwẹ ọghọ kpare ighoro rọye kpenu.

¹⁰Ohwo umwemwu mrẹrẹ ivun dẹ miovwo; ọ riako rọye jọ wran yanran; ẹguọnọ rẹ ohwo umwemwu che vwo oba.