Read urhobo Une rẹ Ejiro 115 Bible Online

Une rẹ Ejiro 115 - urhobo bible

Une rẹ Ejiro 115

¹Ọ dia avwanre-e, E Ọrovwohwo ọ dia avwanre-e, ẹkẹvuọvo odẹ wẹn a vwẹ urinrin kẹ, fiki re ẹguọnọ wẹn ro jẹ rhẹriẹ na vẹ esegbuyota wẹn na!

²Die nẹrhẹ ẹgborho na tanẹ, Tivọ Ọghẹnẹ rayen epha?

³Ọghẹnẹ rẹ avwanre ọ hẹ obo odjuvwu, o ruẹ obo ri jere.

⁴Ema rayen idọnọ vẹ oro, iruo rẹ abọ rẹ ihwo.

⁵Ayen vwo unu, ẹkẹvuọvo ayen ta ota-a; ẹro, ẹkẹvuọvo ayen mrẹ orẹ-ẹ.

⁶Ayen vwo erhọn, ẹkẹvuọvo ayen nyo ẹme-e; unwe, ẹkẹvuọvo ayen nyo ọnrhe-e.

⁷Ayen vwo abọ, ẹkẹvuọvo ayen sa yọnra-an, awọ, ẹkẹvuọvo ayen sa ya-an, ayen sa vwẹ upho rayen ta ota-a.

⁸Ihwo re kare ayen je họhọ ayen; ọtiọye ji ihwo re vwẹ ẹro so ayen.

⁹E Izrẹl, vwẹ ẹro so Ọrovwohwo na! Ọye ọchuko rayen kugbe ekpọfia rayen.

¹⁰E uwevwi rẹ Erọn, vwẹ ẹro wẹn so Ọrovwohwo na! Ọye ọchuko rayen kugbe ekpọfia rayen.

¹¹Ovwan re dje oshọ rẹ Ọrovwohwo na, vwe ẹro so Ọrovwohwo na! Ọye ọchuko rayen kugbe ekpọfia rayen.

¹²Ọrovwohwo na kerhọn rẹ avwanre, kọ bruba ke avwanre; o bruba kẹ uwevwi rẹ Izrẹl; o bruba kẹ uwevwi rẹ Erọn;

¹³o bruba kẹ otu ejobi re djẹ oshọ rẹ Ọrovwohwo na, te omotete te ọkpako.

¹⁴Jẹn Ọrovwohwo phiphihọ kẹ wẹ, te owẹ vẹ emọ wẹn!

¹⁵Ju wo vwo ebruphihọ rẹ Ọrovwohwo na, rọ ma odjuvwu vẹ otọ na !

¹⁶Idjuvwu na idjuvwu rẹ Ọrovwohwo na, ẹkẹvuọvo otọ na kọye ọ vwọ kẹ emọ rẹ ihwo.

¹⁷Irivwi na se jiri Ọrovwohwo na-a, eyẹ kohwo kohwo ro kpo obotọ re de rhurhu unu

¹⁸Ẹkẹvuọvo avwanre se bruba kẹ Ọrovwohwo na nẹ ọke nana yanran rhiri bẹdẹ. Jiri Ọrovwohwo na!