Read urhobo Une rẹ Ejiro 132 Bible Online

Une rẹ Ejiro 132 - urhobo bible

Une rẹ Ejiro 132

¹Karohọ, E Ọrovwohwo, evun esiri ri Devid, emu ogangan rọ mrẹre;

²Obo ro veri kẹ Ọrovwohwo ro de ve ive kẹ Ọgba Ọvuọvo ri Jekọp.

³Me sa ro uwevwi mẹ-ẹ eyẹ ro ehwa mẹ-ẹ;

⁴Me sa vwẹ ovwerhẹ kẹ ẹro mẹ-ẹ eyeẹ ovwerhẹ ego kẹ iphophẹro mẹ-ẹ,

⁵bẹsiẹ me vwọ mrẹ asan vwọ kẹ Ọrovwohwo na, ẹdia vwọ kẹ Ọgba Ọvuọvo ri Jekọp.

⁶Nighe, avwanre nyoro vwẹ Efrata, avwanre mrẹrẹ vwe udju ri Jaar.

⁷Jẹn avwanre kpo asan rọ dia; jẹn avwanre ra gọ vwẹ asan awọ rọye!

⁸Vrẹn, E Ọrovwohwo, re wo kpo asan omerovwo wẹn, wọwẹ vẹ ekpeti rẹ ẹgba wẹn.

⁹Jẹn a vwẹ ọvwata rhuo irherẹn wẹn, jẹn ihwo efuanfon wẹn kperi ukperi rẹ aghọghọ.

¹⁰Kidie fiki rẹ odibo wẹn Devid Wọ djẹ ọ ra vwẹ evwri ghworo na-a.

¹¹Ọrovwohwo ve ki Devid ive ro muẹro ọ gbe cha sa rhẹriẹ no-o; Ọvo vwẹ usun rẹ emọ ri nẹ oma wẹn rhe na Mi che vwo dje ekete wẹn.

¹²Ọ dianẹ emọ wẹn yọnrọn ọphọ mẹ kugbe iseri mẹ ri mi che yono ayen, emọ rayen ki tidia bẹdẹ vwẹ ekete wẹn.

¹³Kidie Ọrovwohwo jẹ Zayọn reyọ nure; ọ guọnerọ vwọ kẹ ẹdia rọye,

¹⁴Ọnana asan omerovwo mẹ bẹdẹ, etinẹ me dia, kidie me guọnerọ.

¹⁵Mi bruba kẹ emu ro vwori ejobi, Me vwe ikara vọn ivwiogbere rọye evun.

¹⁶Me vwẹ esivwo rhuo irherẹn rọye, ihwo efuanfon rọye ki kperi ukperi rẹ aghọghọ.

¹⁷Etiyin ki mi ru ighoro rọ da tan nẹ Devid rhe, mi gbe urhukpẹ ke ọ ra evwri ghworo na.

¹⁸Ke me vwẹ omaẹvuọ rhuo ivwighrẹ rọye, ẹkẹvuọvo erhu rẹ uvie rọ he uyovwi rọye ko lo phia wrowro.