Read urhobo Une rẹ Ejiro 138 Bible Online

Une rẹ Ejiro 138 - urhobo bible

Une rẹ Ejiro 138

¹Me kpẹvwẹ owẹ, E Ọrovwohwo, vẹ udu mẹ ejobi; vwẹ obaro rẹ ẹdjọ na, me so ejiro kẹ wẹ,

²Me nuẹ uyovwi kẹ uwevwi wẹn ọfuanfon na Me vwẹ ẹkpẹvwẹ vwọ kẹ odẹ wẹn fiki rẹ ẹguọnọ wẹn ro jẹ rhẹriẹ na vẹ uyota wẹn; kidie wẹ a kpare kpenu vrẹn kemu kemu ode wẹn kugbe ota wẹn.

³Vwẹ ẹdẹ ri mi vwo se, wo dẹ nyo vwe, ogangan rẹ ẹnwẹ mẹ wo ruro bu.

⁴Iviẹ rẹ akpọ na ejobi che jiro uwe, E Ọrovwohwo, kidiẹ ayen nyo eta rẹ unu wẹn;

⁵Ayen kẹ cha vwẹ idjerhe rẹ Ọrovwohwo na so ine, kidie orhuarho ọyẹ urinrin rẹ Ọrovwohwo na.

⁶Dede na obo rẹ Ọrovwohwo kpenu te na, o ji se ohwo ro kpotọ gbẹ ohwo; ẹkẹvuọvo ohwo vẹ ọnko ogboko o dẹ vughe.

⁷Owenẹ me yan vwẹ uherevie rẹ ukpokpogho, wọwẹ re sẹro rẹ arhọ mẹ; wọwẹ rẹ riẹn obọ wẹn hẹrhẹ ivuemiovwo rẹ ivwighrẹ, obọrhe wẹn de sivwi vwe.

⁸Ọrovwohwo che ru ọhọre rọye kẹ vwẹ; ẹguọnọ wẹn ro jẹ rhẹriẹ na, E Ọrovwohwo, ọ dia rhiri bẹdẹ. Wọ sian iruo rẹ obọ wẹ-ẹn.