Read urhobo Une rẹ Ejiro 140 Bible Online

Une rẹ Ejiro 140 - urhobo bible

Une rẹ Ejiro 140

¹Sivwi uvwe, E Ọrovwohwo, nẹ obọ rẹ ihwo umwemwu. Sẹro mẹ nẹ obọ rẹ ihwo ri gbe ozighi,

²re jẹn iroro umwemwu vwẹ udu rayen, re kpare ophu rẹ ofovwi kọke kọke.

³Ayen nọ ẹrẹnvwe rayen dandan kerẹ ọrọdekọ obotọ rẹ ẹbẹrunu rayen obi rẹ ọrọbiebi herọ.

⁴Sẹro mẹ, E Ọrovwohwo, nẹ obọ rẹ ohwo umwemwu; Sivwi uvwe nẹ obọ rẹ ohwo ro gbe ozighi, re jẹ iroro ra vwọ kpro vwẹ owọ.

⁵Ihwo ri muẹ oma kpenu si ufi nu hẹrhẹ ovwẹ, eme ọye ayen vwọ rhuo ariri hẹrhẹ ovwẹ. vwe oma rẹ idjerhe ayen da jẹ ugodo hẹrhẹ ovwẹ.

⁶Me ta kẹ Ọrovwohwo na, Wọwẹ Ọghẹnẹ mẹ; kerhọn rẹ urhuru rẹ orẹ mẹ, E Ọrovwohwo,

⁷E Ọrovwohwo, Ọrovwovwe, osivwi ọgangan mẹ, wọwẹ ri rhurhu uyovwi mẹ vwẹ ọke rẹ ofovwi.

⁸Wọ rhọvwa-a, E Ọrovwohwo, ke ẹguọnọ rẹ ohwo umwemwu-u; jẹ umẹ rẹ umwemwu rọye krẹ!

⁹Otu re gba phihọ ovwẹ kpare uyovwi rẹ ayen kpenu, jẹ ọbrabra rẹ unu rayen pẹtiẹ ayen!

¹⁰Jẹn imwerhanrẹ wẹwẹ she teyọ ayen! jẹn mu ayen phihọ ọgọdọ, re ayen je vrẹn ọfa!

¹¹Jẹn ohwo rọ vwẹ unu miovwo ohwo muẹdia gan vwẹ otọ na-a, jẹn umiovwo brẹsi re ohwo gudu gudu kpata kpata.

¹²Me riẹnrẹ nẹ Ọrovwohwo riẹn oyan rẹ otu re kpokpo, o mi rhe brorhiẹn kẹ otu rẹ akpọ bẹn.

¹³Uyota ọvwata na cha vwẹ ẹkpẹvwẹ kẹ odẹ wẹn Ohwo ọsoso cha dia obaro wẹn.