Read urhobo Une rẹ Ejiro 147 Bible Online

Une rẹ Ejiro 147 - urhobo bible

Une rẹ Ejiro 147

¹Jiri Ọrovwohwo na! Kidiẹ o yovwiri ra so ejiro kẹ Ọghẹnẹ rẹ avwanre, kidiẹ ọ vẹ ehrọre, une rẹ ejiro fo kẹ.

²Ọrovwohwo re bọn Jerusalẹm; o si ihwo rẹ Izrẹl ra djẹ kufia koko.

³O sivwẹ ohwo rẹ udu rọye vwirhiri, ọ gba era rayen.

⁴Ọ riẹn unu rẹ isio na, o mu odẹ kẹ ayen ejobi.

⁵Ọrovwohwo rẹ avwanre na vwa rhuarho, ọ vọnre vẹ ogangan buebu, ẹruọ rọye vwo oba-a.

⁶Ọrovwohwo kpara ohwo re chiyi muotọ vrẹn, ọ vwẹ ohwo umwemwu phiotọ

⁷So une kẹ Ọrovwohwo vẹ ẹkpẹvwẹ; vwẹ isorogun so une ọvwevwerhe kẹ Ọghẹnẹ rẹ avwanre!

⁸Ọ vwẹ egho rhurhu obo odjuvwu na, ọ rhuẹrẹ osio phihọ k ẹ otọ na, ọ da nẹhrẹ odi djẹ nẹ imigbenu na rhe.

⁹Ọ kẹ eranvwe na emuọre rayen, vwọ kẹ emọ rẹ okpemu na re viẹ hwe.

¹⁰Omavwerhe rọye ọ hẹ ọgangan rẹ iyesi-i, eyẹ aghọghọ rọye ọ hẹ igbawọ rẹ ohwo-o,

¹¹ẹkẹvuọvo Ọrovwohwo vwo omavwerhe kpahe otu re djẹ oshọ rọye, re vwẹ ẹro so ẹguọnọ rọye ro jẹ rhẹriẹ na.

¹²Jiri Ọrovwohwo na, E Jerusalẹm!! Jiri Ọghẹnẹ wẹn, E Zayọn!

¹³Kidie ọ vwẹ ogangan kẹ ogbẹn rẹ anurhoro wẹn; ọ vwẹ ebruba kẹ emọ rẹ evun wẹn.

¹⁴O phi ufuoma phihọ ughwru wẹn, ọ da vwẹ omamọ rẹ ọka vọn wẹn evun.

¹⁵O ji urhi rọye ro akpọ na ejobi, ota rọye djẹ ghwraghwraghwra.

¹⁶O siobọ nẹ imicho kerẹ afon; ọ da hra evwru kerẹ iwurhie.

¹⁷O phi imicho kpọke kpọke kufia; kono se mudia ekpahe rọye?

¹⁸O si unu nẹ ota rọye ọ da wran ayen, ọ da nẹrhẹ odju rọye dju, ame na da djẹ ọkere.

¹⁹O dje ota rọye kẹ Jekọp, ẹgha vẹ irhi rọye kẹ Izrẹl.

²⁰O nene ẹgborho ọfa yeri ọtiọna dẹvo-o; ayen riẹn urhi rọye-e. Jiri Ọrovwohwo na.