Read urhobo Une rẹ Ejiro 16 Bible Online

Une rẹ Ejiro 16 - urhobo bible

Une rẹ Ejiro 16

¹Sẹro mẹ, E Ọghẹnẹ, kidie evun wẹn mi de si oma nu.

²Me da ta kẹ Ọrovwohwo, Wẹ Ọrovwovwe, Mi vwo uyoyovwi ọvuọvo-o jokpa nẹ ọ wan oma wẹn rhe.

³Vwọ kẹ ihwo efuanfon vwẹ evun rẹ otọ na, ayen ihwo re mu ọghọ kẹ, ayen ọvo ivun rayen vwerha ovwẹ.

⁴Otu re jẹn ọghẹnẹ ọfa reyọ oja rayen ki buphihọ ọbara rayen ra jẹ kuotọ me sa je kuotọ-ọ eye me cha vwẹ unu mẹ se odẹ raye-en.

⁵Ọrovwohwo ọye ughwẹ me re me jẹreyọ kugbe iko mẹ, wewe re yọnrọn ẹkẹn mẹ.

⁶Irhiẹ rẹ ughwru na nabọ she phihọ omamọ re asan, E, mi vwo omamọ rẹ ughwẹ.

⁷Me nẹ ẹrhovwo kẹ Ọrovwohwo rọ kẹ vwẹ iroro, vwẹ evun rẹ ason udu mẹ de yono uvwe.

⁸Mi phi Ọrovwohwo phihọ obaro mẹ vwẹ ọke ejobi, fikiridie ọ he obọrhe mẹ, mi gbi se ghwie-e.

⁹Fiki rẹ ọtiọye na udu mẹ kọ ghọghọ, oma kọ vwerhe erhi mẹ; oma mẹ kọ dia egbemọphẹ.

¹⁰Kidie wo se siobọ nu vwe kẹ Erivwi-i, eyẹ ohwo esiri wẹn na sa mrẹ Ọgọdọ-ọ.

¹¹Wẹ ri se dje idjerhe rẹ arhọ kẹ vwẹ, vwẹ obaro wẹn yẹ aghọghọ ọvọnvọn epha, vwẹ obọrhe wẹn yẹ omavwerhe ri bẹdẹ epha.