Read urhobo Une rẹ Ejiro 17 Bible Online

Une rẹ Ejiro 17 - urhobo bible

Une rẹ Ejiro 17

¹Nyo ẹdjọ rọ unu mẹ, E Ọrovwohwo, kerhọn rẹ oviẹ mẹ! Kerhọn rẹ ẹrhovwo mẹ ro nẹ ẹbẹrunu ro vwo ọphiẹvwe-e cha!

²Obọ wẹn ọyẹ ase ẹriọ mẹ che nurhe! Jẹn ẹro mẹ mrẹ obo ri shephihọ!

³Ọ da dianẹ wọ guọnọ otọ rẹ udu mẹ, wọ da vwẹriẹ asan mẹ vwẹ ason, wọ da davwe ovwẹ ni, wọ cha mrẹ umwemwu vwẹ obọ mẹ-ẹ unu mẹ shariẹ ughwru-u.

⁴Vwẹ oma rẹ iruo rẹ ihwo rẹ akpọ, vwẹ oma rẹ ota rẹ unu wẹn Me kẹnoma kẹ idjerhe rẹ ihwo ri ruẹ ogbarogba.

⁵Ichiyi mẹ nabọ tamu idjerhe wẹn kokoroko, awọ mẹ je ghworiẹ-ẹ.

⁶Mi re se we, kidie wẹ ri se nyo vwe, E Ọghẹnẹ, rhie erhọn wẹn kẹ vwẹ, re wo nyo eta mẹ.

⁷Vwẹ igbunu wẹn dje ẹguọnọ wẹn ro jẹ rhẹriẹ na, e osivwi rẹ ayen otu re guọnọ odjahọ, nẹ abọ rẹ ukọn rọ hẹ obọrhe wẹn.

⁸Sẹro mẹ kerẹ ọmẹro na, si vwe nu vwẹ otọ rẹ uhoho rẹ ibekpe wẹn,

⁹nẹ obọ rẹ oruimwemwu ro gbe vwe kuẹ, nẹ ivwighrẹ ebrabra re riariẹ ovwẹ phihọ.

¹⁰Ayen rhurhu udu rayen kẹ ehrọre ayen vwẹ unu rayen ta ọpata.

¹¹Ayen ghwieghwie uvwe phia, Asakiephana ayen riariẹ ovwẹ phihọ, ayen tẹro vi vwe re ayen gere uvwe she.

¹²Ayen họhọ okpohrokpo rọ choma rọ vwọ chẹghẹ, kerẹ ọmọ rẹ okpohrokpo ro fiọnko rọ rhẹrẹ.

¹³Vrẹn, E Ọrovwohwo, wọ ghara ayen, wo gere ayen she! Vwẹ oda wẹn vwo sivwi vwe nẹ obọ re ohwo umwemwu.

¹⁴Vwẹ obọ wẹn vwo sivwi, Ọrovwohwo, nẹ obọ rẹ ihwo rẹ ẹkẹn rayen dia ọ rẹ akpọ na ọvo. Gbe jẹn evun rayen vọn vẹ obo re wọ kọn koko kẹ ayen jẹn emọ rayen vwo buebu kpahe; jẹn ayen mrẹ emu jovwo kẹ emọ rayen.

¹⁵Vwọ kẹ vwẹ, me cha vwẹ ọvwata mrẹ opharo wẹn, Me da rhọvwọ, evun kọ vọn vwẹ re me da mrẹ wẹn.