Read urhobo Une rẹ Ejiro 19 Bible Online

Une rẹ Ejiro 19 - urhobo bible

Une rẹ Ejiro 19

¹Odjuvwu re gbe ikun rẹ urinrin rẹ Ọghẹnẹ, irharheghe na re ghwoghwo iruo rẹ obọ rọye.

²Nẹ ẹdẹ ra ro ẹdẹ ta ota rọye, ne ason ra ro ason vwe ẹriẹn rọye nẹ

³O vwo ephẹrẹ eye eta, re je urhuru rayen enyo-o;

⁴dede na ye urhuru rayen yan ro akpọ na ejobi duvwu, eta rayen re te oba rẹ akpọ na. Vwẹ evun re ayen ọ bọn ọgarivi phihọ kẹ ọnre,

⁵rọ cha kerẹ ọpha ro nẹ ivun rọye cha, kerẹ ọgba rọ djone rọye vẹ aghọghọ.

⁶Ẹvacha rọye ẹtan rẹ odjuvwu o nẹ cha, unuoyan rọye ri te oba rẹ odjuvwu; o vwo emuọvo rọ djahe kẹ ototorhọ rọye-e.

⁷Urhi rẹ Ọrovwohwo na gbare, ọ rhọvwọ udu, iseri rẹ Ọrovwohwo na muẹro, ọ nẹrhẹ ogbori ghwanra,

⁸Irhi rẹ Ọrovwohwo na shehọ, ọ vwẹ omavwerhe vwọ kẹ udu; iji rẹ Ọrovwohwo na emamọ, ọ nẹrhẹ ẹro rhie;

⁹Oshọ ẹdjẹ rẹ Ọrovwohwo ọfuanfon ọ ri rhiri; orhiebro rẹ Ọrovwohwo uyota, e rẹ esiri kakare.

¹⁰Eye obo ra guọnọ vrẹn otọ, oyovwi vrẹn omamọ rẹ oro ọ vwerhe nọ ọnyọn kugbe evwavwa re ọnyọn ro suẹn prapra.

¹¹Ma rho, e vwẹ uchebro kẹ odibo wẹn a da yọnrọn ayen gba ughwẹ rode na herọ.

¹²Ẹkẹvuọvo kono se vughe oruchọ rọye? hworhẹ ovwẹ ne ogbeku mẹ re djahere.

¹³Si odibo wẹn nẹ imwemwu ri gbe kpahọ; wo jẹn ayen vwo ogangan vwẹ enu rọye-e! Ọke yena me gbe re abe-e, ke me dia ọvwata rẹ ọgbeku rode na

¹⁴Gbe je eta rẹ unu mẹ kugbe umẹ rẹ udu mẹ i fo ẹreyọ vwẹ obaro wẹn E Ọrovwohwo, oragha mẹ kugbe ọ rọ tan vwẹ hirhe.