Read urhobo Une rẹ Ejiro 21 Bible Online

Une rẹ Ejiro 21 - urhobo bible

Une rẹ Ejiro 21

¹Ogangan wẹn ovie vwọ ghọghọ, E Ọrovwohwo; vwẹ evun rẹ ọchuko wẹn komavọ oma muo te!

²Wẹ re vwẹ obo rẹ udu rọye guọnọre kẹ, obo rẹ ẹbẹrunu rọye yare wọ vwe rọ djahe obuko kẹ-ẹ.

³Kidie wẹ re vwẹ ebruba oyoyovwi vwọ kẹ; we re vwẹ erhu rẹ uvie rẹ oro vwo tughẹ uyovwi.

⁴O nekpẹn rẹ arhọ mie we; wọ da ghene vwọ kẹ, ẹdẹ okrekri rhiri bẹdẹ bẹdẹ.

⁵Urinrin rọye epha rhuarho fiki rẹ ọchuko wẹn; ọghọ vẹ ọrho wọ ghwe kẹ.

⁶E, wo ruro vwọ dia ohwo ro me vwo ebruba bẹdẹ wọ da kẹ omavwerhe vẹ aghọghọ re opharo wẹn.

⁷Kidie ovie na vwẹ ẹro so Ọrovwohwo, vwi fiki re ẹguọnọ ro jẹ rhẹriẹ rẹ ọ ro Me Kpenu na e gbi se ghwie-e.

⁸Obọ wẹn cha guọnọ ivwighrẹ wẹn mrẹ, obọrhe wẹn cha guọnọ ihwo ri tuoma wẹn mrẹ.

⁹Ku wo che ru ayen kerẹ ekuerhanre rọ la vwe ọke wọ da vwẹ oma phia. Ọrovwohwo che mu ayen rọ vwẹ evun rẹ ophu rọye; erhanre kọ torhẹ ayen.

¹⁰Wọ guọghọ uvwiẹ rayen nẹ akpọ na, emọ rayen vwo nẹ ohri re emọ re ihwo.

¹¹Ọ da dianẹ ayen je iroro umwemwu kpahe owẹ, re ayen da jẹn iroro re okpetu, ayen cha sa kparobọ-ọ.

¹²Kidie wọ cha nẹrhẹ ayen djẹ, ko wọ vwẹ edada vẹ umurhabo ma opharo rayen.

¹³Je mu we kpenu, E Ọrovwohwo, vwẹ evun re ogangan wẹn! Avwanre so ine re jiri ogangan wẹn.