Read urhobo Une rẹ Ejiro 26 Bible Online

Une rẹ Ejiro 26 - urhobo bible

Une rẹ Ejiro 26

¹Brorhiẹ mẹ, E Ọrovwohwo, kidie evun ọfuanfon mẹ me vwọ yan na, ye me vwẹ ẹro so Ọrovwohwo kokoroko udu mẹ yeghe-e.

²Hiẹn otọ mẹ, E Ọrovwohwo, davwe ovwẹ ni, davwe udu mẹ vẹ iroro mẹ.

³Kidie ẹguọnọ wẹn rọ rhẹriẹ-ẹ na ọ he obaro mẹ, ke me yan vwẹ uyota bru we rhe.

⁴Mi tidia kugbe ihwo ogbarogba-a, eyẹ me vẹ ihwo rẹ okpetu kuoma gbe-e;

⁵Oma rẹ ukoko rẹ ihwo umwemwu tu vwe, Me ve ihwo umwemwu se tidia kugbe-e.

⁶Me hworhẹ abọ mẹ vwẹ evun ọfuanfon mẹ, ki mi sikẹre enu rẹ ẹshẹ wẹn, E Ọrovwohwo,

⁷vẹ ine ẹsuọ vẹ ẹkpẹvwẹ vwo gbe ikun rẹ uruemu rẹ igbunu wẹn.

⁸E Ọrovwohwo, me guọnọ asan re uwevwi wẹn epha kugbe asan rẹ urinrin wẹn dia.

⁹Wo hwerhe uvwe kugbe iruimwemwu-u, eyẹ arhọ mẹ kugbe ere fiọnfiọn ọbara-a.

¹⁰Ihwo rẹ abọ rayen vọnre vẹ umwemwu, rẹ obọrhe rayen vọnre vẹ udi ẹriọ.

¹¹Ẹkẹvuọvo vwọ kẹ vwẹ, me yan vwẹ evun ọfuanfon mẹ; tan vwẹ, re wo ni arodọvwẹ mẹ.

¹²Owọ mẹ mudia phihọ otọ ọriẹriẹriẹ; vwẹ evun rẹ ọghwẹgbe rode na mi de bruba kẹ Ọrovwohwo.