Read urhobo Une rẹ Ejiro 27 Bible Online

Une rẹ Ejiro 27 - urhobo bible

Une rẹ Ejiro 27

¹Ọrovwohwo ọye urhukpẹ mẹ kugbe esivwo mẹ, kono me djẹ oshọ rọye? Ọrovwohwo ọye ogba ogangan rẹ arhọ mẹ; kẹ oshọ rẹ ono ri rhe mu vwe?

²Ọke rẹ ihwo umwemwu da vwọ so vwẹ, ri de mu ofian bara ovwẹ, otu rẹ ukọn mẹ kugbe ivwighrẹ mẹ ayen cha yẹghrẹ ayen mi she.

³Ọ da tobọ dianẹ otu ri gbe kpahe ovwẹ, udu mẹ cha dje oshọ-ọ; ọ da dianẹ ofovwi re vwọ so vwẹ, ye me je vwẹ ẹro suọ

⁴Emu ọvo me nọ vwẹ obọ rẹ Ọrovwohwo, re me guọnọ; re me sa vwọ dia uwevwi rẹ Ọrovwohwo, vwẹ ẹdẹ rẹ akpọ mẹ ejobi, re mi e ni erhuvwu rẹ Ọrovwohwo na, rere me agọlọ vwẹ uwevwi rọye.

⁵Kidie o se si vwe nu vwẹ odjahọ rọye vwẹ ẹdẹ re ukpokpogho; o che si vwe nu vwẹ otọ rẹ ibọkpọ rọye, kọ kpare ovwẹ mudia vwẹ enu rẹ oragha.

⁶Vwẹ etinẹ na ka kpare uyovwi mẹ kpenu vrẹn ivwighrẹ mẹ re riariẹ ovwẹ phihọ; ki mi ze izobo vwẹ evun rẹ uwevwi rọye, izobo vẹ edo kugbe aghọghọ; Ki mi so ine vwevwerhe kẹ Ọrovwohwo.

⁷Nyo, E Ọrovwohwo, vwe ọke mi de kperẹ se we, re ehrọre mẹ re wo nyo vwe!

⁸We re tare, Guọnọ opharo mẹ Udu mẹ da ta kẹ wẹ, Opharo wẹn Ọrovwohwo, ọye me guọnọ.

⁹Wo si opharo wẹn nẹ kẹ vwẹ-ẹ. Wọ vwẹ ophu djẹ odibo wẹn yanra-an, we rẹ ọchuko mẹ rhabae. Wọ djẹ vwẹ kufia-a, wo sen vwẹ-ẹ, E Ọghẹnẹ re esivwo mẹ na.

¹⁰Kidie te ọsẹ mẹ te oni mẹ sen vwe, ẹkẹvuọvo Ọrovwohwo sa kpare ovwẹ vrẹn.

¹¹Yono uvwe idjerhe wẹn, E Ọrovwohwo; sun vwe vwẹ idjerhe ọriẹriẹriẹ fiki rẹ ivwighrẹ mẹ.

¹²Wo siobọ nu vwe vwọ kẹ ukọn mẹ-ẹ; kidie iseri rẹ eku vrẹn vwọ so vwẹ, ayen nwẹ heri heri kpahe ovwẹ.

¹³Mi se gbuyota nẹ me cha mrẹ uyoyovwi rẹ Ọrovwohwo vwẹ otọ rẹ ihwo ekpokpọ na!

¹⁴Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.