Read urhobo Une rẹ Ejiro 28 Bible Online

Une rẹ Ejiro 28 - urhobo bible

Une rẹ Ejiro 28

¹Weẹ, E Ọrovwohwo mi tu se; oragha mẹ, wo dierhọn kẹ vwẹ-ẹ, eyẹ, wọ da fọ kẹ vwẹ, Ke me họhọ ihwo ri kpo obo Ukpotọ.

²Nyo urhuru rẹ oyare mẹ, ri mi vwo kperẹ se we ne wọ rhe cha vwẹ uko na, re me vwọ kpara abọ mẹ kpenu vwo hirhe aro ku ẹshẹ ọfuanfon wẹn na.

³Wọ reyọ ovwẹ vẹ iruimwemwu kuegbe-e, vwo kugbe ihwo ri ruẹ imwemwu-u re ta ota rẹ ufuoma ke ọrivẹ rayen ye umwemwu rhe ayen udu.

⁴Hwa osa kẹ ayen kirobo rẹ iruo rayẹn epha, kirobo rẹ uruemu umwemwu rẹ udu rayen epha, hwa osa kẹ ayen kirobo re iruo re abọ rayen teri, hwa osa ro fo ayen kẹ ayen.

⁵Fikiridie ayen se iruo rẹ Ọrovwohwo na gbe emu-u, eyẹ iruo rẹ abọ rọye-e, ọ guọghọ ayen te otọ o gbe bọn ayen ọfa-a.

⁶Ebruba kẹ Ọrovwohwo! kidie o nyo urhuru rẹ oyare mẹ.

⁷Ọrovwohwo ogangan mẹ kugbe ekpọfia mẹ; ọye udu mẹ vwẹ ẹro so, ọtiọye na ka cha vwẹ uko, udu mẹ ko ghọghọ, une mẹ kọye me vwọ kpẹvwẹ.

⁸Ọrovwohwo ọye ogangan rẹ ihwo rọye, ọye odjahọ re esivwo kẹ ọ rọ vwẹ evwri te.

⁹E sivwi ihwo wẹn, re wo bruphihọ kẹ ireuku wẹn, dia osuigegede rayen, re wọ ghwa ayen bẹdẹ.