Read urhobo Une rẹ Ejiro 36 Bible Online

Une rẹ Ejiro 36 - urhobo bible

Une rẹ Ejiro 36

¹Ogbeku ra ta ke oruimwemwu na kokodo vwe obo evun rẹ udu rọye; o vwo oshọẹdjẹ rẹ Ọghẹnẹ vwẹ ẹro rọye-e.

²Kidie ọ ra vwẹ unu brugu phihọ oma rọye nẹ a cha sa mrẹ otọ rẹ orukuruku rọye re de tuoma rọye-e.

³Ota rẹ unu rọye ota ogbarogba vẹ ophiẹvwe: o gbi se ruẹ emu rẹ ẹghwanre kugbe oyoyovwi-i

⁴O de Shevwerhẹ ehwa rọye yọ jẹ iroro umwemwu, o phi oma rọye phihọ idjerhe ro je yovwo, ọ sa jẹ umiovwo fia-a.

⁵Ẹguọnọ wẹn ro jẹ rhẹriẹ, E Ọrovwohwo hẹre re te odjuvwu, uyota wẹn re duvwu irharheghe.

⁶Ọvwata wẹn ọ họhọ igbenu rẹ Ọghẹnẹ, orhiebro wẹn ọ họhọ okokodo rode; te ohwo te eranvwe, E Ọrovwohwo ọye wo sivwe.

⁷Mavọ ẹguọnọ wẹn rọ rhẹriẹ-ẹ na yovwi te, E Ọghẹnẹ! Emọ rẹ ihwo rẹ akpọ na si oma nu vwẹ uhoho rẹ ibekpe wẹn.

⁸Ayen rọ ria vwẹ oburhubu rẹ uwevwi wẹn, wọ kẹ ayen ame da nẹ urhie rẹ ivuavwerhe wẹn rhe.

⁹Kidie obọ wẹn ọye ogbugbu rẹ arhọ epha, vwẹ evun rẹ urhukpẹ wẹn etiyin ma da mrorẹ.

¹⁰E phi obọ phihọ ẹguọnọ wẹn rọ rhẹriẹ-ẹ na kẹ otu re riẹn wẹn, esivwo wẹn kẹ ohwo rẹ udu rọye dia ọsoso!

¹¹Wo jẹn owọ rẹ ohwo rọ sa praharha dje vwe-e, eye wo jẹn obọ re ohwo umwemwu djẹ vwẹ yanra-an

¹²Etiyin iruimwemwu da riẹn nene otọ, A djẹ ayen ro otọ, ayen gbi se vrẹ-ẹn.