Read urhobo Une rẹ Ejiro 41 Bible Online

Une rẹ Ejiro 41 - urhobo bible

Une rẹ Ejiro 41

¹Ebruba ke ohwo ro roro ovwiogbere! Ọrovwohwo se sivwo vwẹ ọke rẹ ukpokpogho;

²Ọrovwohwo chochọ rọye rere ọ sẹro rọye ọkpokpọ; ke se ebruphihọ vwẹ evun rẹ otọ na, wọ cha rhọvwe phio phihọ obọ rẹ ivwighrẹ rọye-e.

³Ọrovwohwo vwe obọ cha vwẹ ehwa re emiavwe rọye; vwẹ evun re emiavwe rọye ejobi we ri sivwo

⁴Vwọ kẹ vwẹ, me da ta, E Ọrovwohwo, biko ni aruẹdọ mẹ, sivwi uvwe, kidie mi ru umwemwu kpahe owẹ!

⁵Ivwighrẹ mẹ ta ota re ọnko, kpahe ovwẹ, Ọkevọ ọ vwo ghwu, re odẹ rọye ghwru?

⁶Ọke re ọvo da rhe mrẹ vwe, eta ifefe kọye ọ ta, yẹ udu rọye ra je iroro umwemwu, ọke rọ da ro otafe, ko vwo gbe ikun

⁷Ihwo ejobi ri tuoma mẹ re gbe ophiọrọ kpahe ovwẹ, iroro umwemwu ọvo ayen je kpahe ovwẹ.

⁸Ayen ta, obi umwemwu churu muo, o gbi che se vrẹn nẹ asan ro sherhẹ phihọ-ọ.

⁹Vwevwe rẹ ugbeyan rẹ erhi mẹ re me vwẹ ẹro so, rọ ria emu mẹ, rhoma vwẹ ichihrawọ vi vwe.

¹⁰Ẹkẹvuọvo wẹ, E Ọrovwohwo, biko ni aruẹdọ mẹ re wọ kpare ovwẹ vrẹn, re me hwa osa ke ayen.

¹¹Vwẹ oma re ọnana me vwọ riẹn nẹ ivun mẹ vwerhe owẹ, kidie ọvweghrẹ rha mrẹ vwẹ ghọghọ-ọ.

¹²Ẹkẹvuọvo wẹ re yọnrọn ovwẹ fiki rẹ evun ọfuanfon mẹ, wo de mu vwe phihọ obaro wẹn bẹdẹ.

¹³Ebruba kẹ Ọrovwohwo, Ọghẹnẹ re Izrẹl, nẹ bẹdẹ bẹdẹ re te bẹdẹ bẹdẹ! Isẹ kugbe Isẹ.