Read urhobo Une rẹ Ejiro 42 Bible Online

Une rẹ Ejiro 42 - urhobo bible

Une rẹ Ejiro 42

¹Kerẹ uguzuma rẹ urhuru rẹ ame hwe, ọtiọye urhuru wẹn si ẹnwẹ mẹ, E Ọghẹnẹ

²Urhuru rẹ Ọghẹnẹ si ẹnwẹ mẹ, kidie wẹ Ọghẹnẹ ro jeghwo Ọkevọ me cha vwọ mrẹ opharo re Ọghẹnẹ?

³Oviẹ mẹ ọye he emuọre mẹ te ason te uvo, ye ihwo ra ta kẹ vwẹ kọke ne, Tivọ Ọghẹnẹ wẹn epha?

⁴Imu nana me karophihọ, re vwọ họrhọ ne ẹnwẹ mẹ cha, obo re me ve ogbotu na vwọ yan Me da vwe ayen tere usun kpo uwevwi rẹ Ọghẹnẹ, ve ekpere rẹ aghọghọ kugbe ine re ẹkpẹvwẹ, obibinagba re ihwo re re orẹ.

⁵Die oma vwọ rhọ wẹ, E ẹnweẹ mẹ, kugbe die wọ vwọ pharha vwẹ evun mẹ? Phiero phihọ Ọghẹnẹ, kidie me cha rhoma jiro, ọchuko mẹ kugbe Ọghẹnẹ mẹ.

⁶Oma ra rhọ ẹnwẹ mẹ vwẹ evun mẹ, fiki rọye me vwọ karohọ owẹ. nẹ otọ ri Jọdan rhe kugbe ọ ri Hammọn, nẹ Ugbenu ri Mizar rhe.

⁷Ekodo kperẹ se ekodo vwẹ ighrighri asan rẹ ọkere de shotọ; te omimi ejobi kugbe ukori rẹ ame wẹn ayen ejobi phoro uvwe.

⁸Vwẹ uvo Ọrovwohwo na de ji urhi kẹ ẹguọnọ ro jẹ rhẹriẹ rọye; vwẹ ọke rẹ ason une rọye ọye me sua, ẹrhovwo kẹ Ọghẹnẹ rẹ arhọ mẹ.

⁹Me ta kẹ Ọghẹnẹ, oragha mẹ; Die me vwọ chọrọ owẹ ẹro? Die mi vwo muomahọ? fiki re oshenyẹ rẹ ivwighrẹ?

¹⁰Kerẹsiẹ re okpora da dia oma mẹ, ukọn mẹ na ke vwẹ ovwẹ jehwẹ, ye ayen ta kẹ vwẹ kọke kọke nẹ Tivọ Ọghẹnẹ wẹn epha?

¹¹Die oma vwọ rhọ wẹ, E ẹnwẹ mẹ, kugbe die oma vwọ vwranvwran owẹ vwẹ evun mẹ? Phiẹro phihọ Ọghẹnẹ, kidie me cha rhoma jiro, ọchuko mẹ kugbe Ọghẹnẹ mẹ