Read urhobo Une rẹ Ejiro 49 Bible Online

Une rẹ Ejiro 49 - urhobo bible

Une rẹ Ejiro 49

¹Nyo ọnana, ihwo ejobi! Kẹrhọn, ovwan ihwo rẹ dia akpọ na ejobi,

²ti ri kpoto ti ri kpenu, edafe kugbe igbere kugbe!

³Unu mẹ ta ota rẹ ẹghwanre iroro re udu mẹ ke cha dia erianriẹn

⁴Mi rhie erhọn mẹ phihọ vwọ kẹ itẹ; Ke me vwe ine re isorogun fan ido mẹ.

⁵Die me vwọ dje oshọ vwe ọke re ukpokpogho, re orukuruku re otu ri mu vwe vwọ gba riariẹ ovwẹ?

⁶ihwo re vwẹ ẹro so efe rayen ayen me vwẹ obuebu rẹ efe rayen vwo yan eyan?

⁷Uyota o vwo ohwo ọvuọvo rọ sa tan oma rọye-e, eye rọ sa vwe uchunu re arhọ rọye kẹ Ọghẹnẹ-ẹ,

⁸kidie unu re arhọ rọye ọghaghanre, o che se te bẹdẹ-ẹ,

⁹rere ọ vwọ mrasan dia bẹdẹ, rere o vwo je Ukpotọ emre bẹdẹ.

¹⁰E, ọ cha mrẹ ne ovwẹghwanre dede ji ghwu, ẹkpa kugbe idjidji cha ghwọrọ kufia ayen me yan jẹ efe rayen vwo kẹ ohwo ọfa.

¹¹Ushi rayen ọye uwevwi rayen bẹdẹ, asan edia rayen ne edje re te edje, dede na ayen mu odẹ ke etọ na nẹ erayen.

¹²Ohwo sa dia vwẹ ọmaephuo rọye-e, ọ họhọ eranvwe rọ ghwọrọ kuẹfia

¹³Ọnana re cha dia oba re ihwo ri vwo iphiẹrohọ rẹ ẹkpa, oba rẹ ihwo rẹ ẹkẹn rayen te kẹ.

¹⁴e bru ẹdẹ rẹ Erivwi ke ayen kerẹ igodẹ; Ughwu kọye cha dia osuigodẹ rayen; ayen cha djẹ kpo obo ushi ghwrara, erhuvwu rayen ki che gbo kufia Erivwi kọ dia uwevwi rayen.

¹⁵Ẹkẹvuọvo Ọghẹnẹ kọ tan erhi mẹ ne obọ re ogangan re Erivwi, kidie ọ reyọ ovwẹ.

¹⁶Wọ djẹ oshọ vwe ọke re ohwo ọfa de fe-e, vwe ọke re urinrin re uwevwi rọye de buẹ.

¹⁷Kidie ọke ro de ghwu o cha ghwa emuọvo no kpo-o; urinrin rọye che nene kpo ushi-i.

¹⁸Dede na, rọ vwọ herọ na, oma me vwerhọ, dede e re jiro ro vwo ruẹ uyoyovwi kẹ oma rọye,

¹⁹ko che bru uvwiẹ re ọsẹ rọye ra, ohwo rọ gbe cha mrẹ urhukpẹ ọfa-a.

²⁰Ohwo sa dia vwe evun re omaephuo rọye-e, ọ họhọ eranvwe rọ ghwọrọ kuefia.