Read urhobo Une rẹ Ejiro 50 Bible Online

Une rẹ Ejiro 50 - urhobo bible

Une rẹ Ejiro 50

¹Ọgba ọvuọvo na, Ọghẹnẹ Ọrovwohwo na, o tare o de se akpọ na koko ne ẹvacha rẹ ọnre re te eshe kpotọ rọye.

²Vwe evun ri Zayọn, erhuvwu re urinrin re Ọrovwohwo de lo phia.

³Ọghẹnẹ rẹ avwanre cha rhe, ọ cha fọ-ọ, erhanre cha la nene cha, aphopho rode che dju riariẹ phihọ.

⁴O che se odjuvwu nẹ obenu rhe kugbe akpọ na, rere ọ vwo mrasan brorhiẹ rẹ ihwo rọye;

⁵Ghwe ihwo rẹ uyota mẹ na koko kẹ vwẹ, ihwo re vẹ ovwẹ gba vwe izobo rẹ ọphọ kugbe na!

⁶Odjuvwu dje ọvwata rọye phia kidie Ọghẹnẹ yi brorhiẹ na kẹ oma rọye.

⁷Nyo, E ihwo mẹ, me cha ta ota, E Izrẹl, Mi che se oseri hwe we. Mẹvwẹ Ọghẹnẹ, Mẹvwẹ Ọghẹnẹ wẹn.

⁸Mi che nene uwe ghwọ fiki re izobo wẹ-ẹn; izobo rẹ ẹtorhẹ ru wo ze kẹ vwẹ kẹsiẹ kẹsiẹ.

⁹Me cha reyọ erhuẹn ọshare ne uwevwi wẹn rhe-e, eyẹ ẹvwe nẹ uchuru wẹ-ẹn.

¹⁰Kidie keranvwe keranvwe re egbo na ọ mẹ, uchuru uriori re he enu rẹ igbenu na.

¹¹Me riẹn emephran ejobi re he obenu na, obo re yan vwẹ evun rẹ udju na ejobi e mẹ.

¹²Ọ da dianẹ owẹvwe hwe vwe, me sa ta kẹ wẹ-ẹ; kidie akpọ na kugbe obo re herọ ejobi na e mẹ.

¹³Me ria uvwo rẹ erhuẹn ọshare gbenẹ me da ọbara rẹ ẹvwe?

¹⁴Ze izobo re ẹkpẹvwẹ kẹ Ọghẹnẹ, re wọ hwa osa rẹ ive wẹn ke Ọ ro Me Kpenu na;

¹⁵rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

¹⁶Ẹkẹvuọvo vwọ kẹ oruimwemwu Ọghẹnẹ tare nẹ: Didi ogangan wọ vwọ sen iji mẹ re wọ vwọ vwe unu te ọphọ mẹ?

¹⁷Kidie oma re ẹghwọ tu we, kọye wo vwo gere ota mẹ phihọ uko.

¹⁸Wọ da mrẹ oji, wọ me vwe ugbeyan muo; wọ veẹ igberadja ke usun

¹⁹Wọ vwe unu wẹn ta ogbegbeta, ẹrenvwe wẹn riẹn obo ra vwọrọn efian gangan.

²⁰Wọ hwa tidia wo mie gue omọvo wẹn; wọ rhaphie odẹ re ọniọvo re evun wẹn

²¹Emu nana we ruru mi de fotovwi, ki wo rori ne mẹvwẹ ohwo kerẹ ọtio wẹ na. Asakiephana mi che nene uwe ghwọre, Me cha vwẹ imu nana ejobi phia kẹ wẹ re

²²Gba ka oka phihọ ọna, ovwan otu rẹ Ọghẹnẹ chọẹro Me da rhe bẹre ovwan, a cha mrẹ ohwo ọvuọvo rọ chọ ochọ re ovwa-an

²³Ohwo rọ vwe ẹkpẹvwẹ re izobo rhe yo mu ọghọ kẹ vwẹ, ohwo rọ kpọ idjerhe rọye vi kọye me cha vwẹ esivwo rẹ Ọghẹnẹ vwọ nẹ.