Read urhobo Une rẹ Ejiro 55 Bible Online

Une rẹ Ejiro 55 - urhobo bible

Une rẹ Ejiro 55

¹Kerhọn rẹ ẹrhovwo mẹ, E Ọghẹnẹ, wọ si oma wẹn nẹ kẹ oviẹ mẹ-ẹ!

²Bru vwe rhe, rere wọ kpahe kẹ vwẹ; ukpokpogho mẹ rho nọ vwẹ oma.

³Edo rẹ ọvweghrẹ kpare ovwẹ nẹ ẹdia, fiki rẹ oshenyẹ rẹ ihwo umwemwu. Kidie ayen vwẹ okpetu so vwẹ, vwe evun rẹ ophu rayen kẹ ayen de vwẹ eghrẹ vi vwe.

⁴Udu mẹ kọ de dja vwẹ heri heri vwẹ evun mẹ, oshọ rẹ ughwu rhi she kpahe ovwẹ.

⁵Oshọ vẹ ophariẹ ro vwẹ oma, ọfianvwe fianvwe ovwẹ.

⁶Me da ta, E manẹ me vwo ibekpe kerẹ ilekuku! ke me rhan yanran re rovwo oma,

⁷e, ki mi suosuo sheri, ki mi wo phihọ evun rẹ aghwa,

⁸ki mi broma ra guọnọ urhuẹn ri mi de si oma nu kẹ ogiribo.

⁹Guọghọ iroro rayẹn, E Ọrovwohwo, jẹ ọbagha phihọ ẹrẹnvwe rayen; kidie me mrẹ ozighi kugbe ohọnre vwẹ evun re orere na.

¹⁰Te uvo te ason ayen vwọ yan riariẹ enu rẹ igbẹhẹ na. te ogbarọgba te ukpokpogho he evun rọye,

¹¹ẹghwọrọ he uherevie rọye, oshenyẹ vẹ ofrure se nẹ afieki rọye-e.

¹²Ọ dia ọvweghre re vwẹ ovwẹ jehwẹ na-a — ọ dia ọye manẹ mi chiro; ọ dia ukọn rẹ bọphiẹ ovwẹ na-a — manẹ mi si oma mẹ nu kẹ.

¹³Ẹkẹvuọvo wẹwẹ, otu mẹ, ugbẹrhẹre mẹ, igbeyan re reria ovwẹ oma.

¹⁴Re avwanre vẹ ọye gbe gbe ikun ọvwevwerhe kugbe, vwẹ evun rẹ uwevwi rẹ Ọghẹnẹ na avwanre vọye gba yan kuẹgbe.

¹⁵Gbe jẹn ughwu she teye ayen; jẹn ayen yan rọ Erivwi vẹ ẹro ọkpokpọ; jẹn ayen vwẹ uguegue yan ro ushi rayen.

¹⁶Ẹkẹvuọvo mi tu se Ọghẹnẹ, Ọrovwohwo na ko sivwi uvwe.

¹⁷Ovwọnvwọn kugbe irhiọke kugbe oghẹruvo Me nẹ iyẹnrẹn mẹ kugbe enuebro mẹ, ko nyo urhuru mẹ.

¹⁸O sivwi erhi mẹ egberhẹnẹdẹ vwo nẹ ofovwi ri mi phiẹ, kidie ihwo buebu vwọ so vwẹ.

¹⁹Ọghẹnẹ cha kerhọn rọ da phọphọ ayen, ohwo re vwo tidia ekete nẹ awanre rhe, kidie ayen yọnrọn urhi ọvuọvo-o, rọ djẹ oshọ rẹ Ọghẹnẹ-ẹ.

²⁰Otu mẹ riẹn obọ rọye kpahe igbeyan rọye, o miovwi ọphọ rọye.

²¹Ota rẹ unu rọye ghwọriẹ kerẹ evwri, dede na yẹ ofovwi hẹ udu rọye; ota rọye lọhọ nọ ọfigbo, dede na yọ tọn ọlọkọ rọye mu.

²²Mu oghwa wẹn nyẹ Ọrovwohwo, kọ sẹro wẹ; ọ cha sa rhọvwe nẹ e ghwie ọvwata-a.

²³Ẹkẹvuọvo wẹ, E Ọghẹnẹ, che phi ayen teye otọ vwo kpo evun re ọgọdọ ro kpotọ ejobi; ihwo re ọbara kugbe e re shẹ ihwo cha sa dia ubro re ẹdẹ raye-en. Ẹkẹvuọvo me vwe ẹro so we.