Read urhobo Une rẹ Ejiro 56 Bible Online

Une rẹ Ejiro 56 - urhobo bible

Une rẹ Ejiro 56

¹Re ehrọre mẹ, E Ọghẹnẹ, kidie ihwo chiyi vwe muotọ; vwẹ ẹdẹ na ejobi ivwighrẹ re shenyẹ vwẹ,

²ivwighrẹ mẹ chiyi vwe muotọ vwe ẹdẹ na ejobi, kidie buebu ra vwẹ eheri họnrọ ovwẹ.

³Vwe ọke rẹ oshọ de mu vwe, ke me vwẹ ẹro so owẹ.

⁴Vwe Ọghẹnẹ, ri mi jiri ota rọye, vwe Ọghẹnẹ re me vwẹ ẹro so ri mi de je oshọ ẹdjẹ. Kidie ohwo rẹ akpọ se ru vwe

⁵Vwẹ ẹdẹ na ejobi ayen guọnọ ovwẹ muẹ mwerhe, iroro rayen ejobi kpahe ovwẹ imiomiovwi

⁶Ayen ghwe oma rayen koko, ayen fiọnko, rẹ ayen vwọ hẹrhẹ arhọ mẹna,

⁷etiọye na gba hwa osa kẹ ayen fiki rẹ umwemwu rayen; vwe evun rẹ ophu wẹn E Ọghẹnẹ, gba ghwie ihwo nana she teye otọ.

⁸Wẹ ri kere obo rẹ ayen phieghe uvwe te, phi ame oviẹ mẹ phihọ evun rẹ ọgọ! Ayen hẹ evun rẹ ọbe wẹn na?

⁹Etiyin ivwighrẹ mẹ ki rhivwi te uko vwẹ ẹdẹ ri mi de se. Ọnana me riẹnre, nẹ Ọghẹnẹ vẹ ovwẹ obọ.

¹⁰Vwẹ Ọghẹnẹ, ri mi jiri ota rọye, vwẹ Ọrovwohwo, ri mi jiri ota rọye,

¹¹Ọghẹnẹ me vwẹ ẹro so mi de jẹ oshọ ẹdjẹ. Kidie ohwo rẹ akpọ se ru vwe?

¹²Ive ri mi ve kẹ wẹ, E Ọghẹnẹ, mi ruọ mi se ze izobo rẹ ẹkpẹvwẹ kẹ wẹ.

¹³Kidie wẹ ri sivwi ẹnwẹ mẹ nẹ ughwu, e, awọ mẹ nẹ eshe, rere me vwọ yan nene Ọghẹnẹ vwẹ urhukpẹ rẹ arhọ na.