Read urhobo Une rẹ Ejiro 6 Bible Online

Une rẹ Ejiro 6 - urhobo bible

Une rẹ Ejiro 6

¹E Ọrovwohwo, wọ ghwọ ku vwe vwẹ ophu wẹ-ẹn, eyẹ wọ fa vwẹ vwẹ ivuemiovwo wẹ-ẹn.

²Re ehrọre mẹ, E Ọrovwohwo, kidie oma ro vwe, E Ọrovwohwo, sivwi vwe, kidie ibeku mẹ he evun rẹ ukpokpogho.

³Erhi mẹ ji ukpokpogho rhe Ẹkẹvuọvo wẹ, E Ọrovwohwo, mavọ o krite?

⁴Rhoma, E Ọrovwohwo, sivwi arhọ mẹ, sivwi uvwe fiki rẹ ẹguọnọ wẹn ro jẹ rhẹriẹ na.

⁵Kidie vwẹ evun rẹ ughwu a gbe sa karohọ owẹ-ẹ, vwẹ obo Erivwi kono se jiri uwe?

⁶Oma rẹ oviẹ na rhọ vwẹ, kason kason me vwọ kpọrhọ ehwa mẹ vẹ oviẹ, ukpe mẹ kpọrhọre vẹ ame oviẹ.

⁷Ẹro mẹ ra kaka muẹ fiki rẹ uvwerhe mẹ, ọ ra rhọ vwẹ fiki rẹ ivwighrẹ mẹ.

⁸Bi nu vwe oma ovwan obotu ri ruẹ umwemwu; kidie Ọrovwohwo nyo umri rẹ oviẹ mẹ.

⁹Ọrovwohwo nyo orẹ mẹ nure; Ọrovwohwo ọ reyọ ẹrhovwo mẹ.

¹⁰Ivwighrẹ mẹ ejobi oma cha vo ayen ke che kpokpo ayen gangan; ayen che chuko ku, kẹ ayen cha mrẹ omaẹvuọ nanana.