Read urhobo Une rẹ Ejiro 62 Bible Online

Une rẹ Ejiro 62 - urhobo bible

Une rẹ Ejiro 62

¹Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ; ọye esivwo mẹ nẹ obọ rọye cha.

²Ọye ọvo oragha mẹ kugbe esivwo mẹ, egbe mẹ; mi gbi se yeghe kaka-a.

³Mavọ ovwan mu kpahe ohwo krite vwo rọ vwọ ghwọrọ, ovwan na ejobi, kerẹ igbẹhẹ rọ nuẹre, ogba yeyeghe?

⁴Iroro re ayen vwo gere she nẹ asan rode ro epha ayen jẹ na. Oma rẹ efian ẹvwọrọ vwerha ayen. Ayen vwẹ unu re ayen nẹ ẹrhovwo, ẹkẹvuọvo yẹ ayen vwẹ evun duvwu iyori

⁵Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ, kidie iphiẹrohọ mẹ obọ rọye o nẹ cha.

⁶Ọye ọvo oragha mẹ kugbe esivwo mẹ, egbe mẹ; mi gbi se yeghe kaka-a.

⁷Obo rẹ Ọghẹnẹ ọye esivwo mẹ epha kugbe ọghọ mẹ; oragha rẹ egba mẹ, odjahọ mẹ ọye Ọghẹnẹ.

⁸Vwẹ ẹro suọ vwẹ ọke ejobi, E ihwo; ku udu wẹn ejobi phihọ otọ vwẹ obaro rọye; Ọghẹnẹ ọye odjahọ rẹ avwanre.

⁹Ihwo ri kpotọ emu ghevweghe, ihwo ri kpenu ji ophiẹnvwe; a da vwavwọn ayen; ayen pharhe nọ emu diodi.

¹⁰Wọ vwẹ ẹro so ọghwanre-e, wo phiẹrohọ uji echo-o; efe de buẹ, wọ vwẹ udu wẹn kpahe aye-en.

¹¹Esiẹvọ Ọghẹnẹ tarọ; asiava mi nyo Ọnana re: nẹ ọgangan obọ rẹ Ọghẹnẹ ọ epha,

¹²Wẹ, E Ọrovwohwo, ọye ẹguọnọ ro jẹ rhẹriẹ rheri. Kidie wẹ re sa hwa osa kẹ ohwo kirobo rẹ iruo rọye epha.