Read urhobo Une rẹ Ejiro 63 Bible Online

Une rẹ Ejiro 63 - urhobo bible

Une rẹ Ejiro 63

¹E Ọghẹnẹ, wẹwẹ Ọghẹnẹ mẹ, Me guọuọ owẹ, urhuru wẹn re si ẹnwẹ mẹ, uvwo rẹ oma ;me re sherua fiki wẹn, kerẹ otọ rẹ ọsha ọyaya rẹ ame epha-a.

²Ọtiọye kọye mi ni we vwẹ evun rẹ ẹshẹ wẹn na, Me ra mrẹ ogangan wẹn vẹ urinrin wẹn

³Fikiridie ẹguọnọ wẹn ro jẹ rhẹriẹ na yovwi nọ arhọ, ẹbẹrunu mẹ ko jiri uwe.

⁴Ọtiọye na ki mi bruba kẹ wẹ vwẹ ọke me dia akpọ na te, Me kpare abọ mẹ kpenu ri mi ki se odẹ wẹn.

⁵Ẹnwẹ mẹ ra ghọghọ kerẹsiẹ ra da re otu re osuanson kugbe ivwri, unu mẹ vẹ ẹbẹrunu mẹ ko jiri uwe vẹ aghọghọ,

⁶ri mi de roro uwe vwẹ enu rẹ ehwa mẹ, Me da karohọ owẹ vwẹ evun rẹ ason na;

⁷kidie wẹ ọchuko mẹ rhabae rhe, vwẹ evun rẹ uhoho rẹ ibekpe wẹn me da so ine rẹ aghọghọ.

⁸Ẹnwẹ mẹ tamu uwe gbae, obọrhe wẹn yọnrọn ovwẹ.

⁹Ẹkẹvuọvo ayen otu re guọnọ arhọ mẹ ghwọrọ cha yanran kpo obo ekpẹn rẹ akpọ na;

¹⁰e che siobọ nẹ ayen vwọ ke ogangan rẹ ọlọkọ, ayen che hirhe phihọ emuọre kẹ ẹrhan re.

¹¹Ẹkẹvuọvo ovie cha ghọghọ vwẹ oma rẹ Ọghẹnẹ; ihwo re vwẹ odẹ rọye duvwu iyori ejobi che vwo urinrin, kidie unu rẹ evwọrefian che rhurhu.